جالپى ءشاي س مياتوي، ءشاي س يمبيروم، ءشاي س مولوكوم دەگەن بولادى. قاراقاتپەن دە بولادى، نو اداممەن ەمەس.
وتاندىق تەلەارنالارداعى باعدارلامالار ءبىر-بىرىنە ۇقساس بولىپ بارا جاتقان سياقتى. اسىعىپ،بولاتىن ۋاقىتىن كۇتىپ كورەتىن باعدارلامالار سانى ازايعانداي. سونىڭ ءبىر دالەلى وسى قاراقاتپەن ءشاي باعدارلاماسى. شتامپ. ادەتتەگىدەي ءبىر ءانشى نە ءارتىس كەلەدى، سول دەجۋرنىي سۇراقتارىن قويىپ، اراسىندا قاتتى كۇلىپ الادى بولدى. قۇدايىم-اۋ وسى تيپتەس باعدارلامار ەلىمىزدەگى ارنالاردا مىڭ عوي. ونىڭ نەسىن جارنامالاپ ءسۇيىنشى سۇرايدى؟ جالپى قاراقات دەگەن كىم؟ نەگە ونىمەن ءشاي ىشەمىز؟
قاراقات- ەسترادا ءانشىسى بىراق ءشاي ىشەتىندەي تۇلعا ەمەس. بار بولعانى ءانشى. بۇل باعدارلامانى اتىن اۋىستىرىپ، فورماتىن وزگەرتىپ، ەلگە ەلەۋلى، حالىققا قالاۋلى سالماعى بار تۇلعا نەمەسە كاسىبي جۋرناليست جۇرگىزسە تۇسىنەتىن ەدىم. ونسىز دا تاس اتساڭ ءانشىنىڭ وزىنە، تۇكىرسەڭ جەردەگى پلاكاتىنا تيەتىن زاماندا ەفيرگە جىلتىڭداتىپ شىعارا بەرۋدىڭ قاجەتى قانشا؟
باسقا-باسقا حابار ارناسىنىڭ وسى باعدارلاما ارقىلى رەيتينگى كوتەرىلىپ كەتتى دەپ ايتا المايمىن. وزدەرىڭىز بىلەسىزدەر باسەكە ءۇشىن ساپالى كونتەنت قاجەت. مۇنى وتاندىق ماسسمەديا حابار قانشالىقتى ورىنداي الىپ وتىر؟ مىناۋ ساپالى كونتەنت ەمەس، بۇل ءجاي وبلىستىق دەڭگەيدە ارنادا بولاتىن باعدارلاما. بۇلاردىڭ ورنىنا كىشكەنە اۋديتوريا تارتاتىن حالىققا ءوتىمدى الەۋمەتتىك، دەنساۋلىق، ءبىلىم سالاسىنا، قاتىستى جوبا جاساسا. اقىرى قاراقاتپەن ءشاي بولعان ەكەن، ونى ەلگە بەلگىلى ادامدارمەن ەمەس، شىنىمەن دە قاراقاتتى كورگىسى كەلەتىن الىس-ايماققا، اۋىلدارعا اپارىپ، سونداعى جەتىم-جەسىر، از قامتاماسىز ەتىلگەن وتباسى بالدارىمەن سۇحباتتاسىپ، كەزدەسىپ، ءشاي ىشسە باسقا اڭگىمە. الەمدىك دەڭگەيدەگى جۇلدىزدار، سونداي جاندارمەن كەزدەسۋ ءۇشىن سوناۋ افريكاعا بارىپ جاتقان دا. قاراقات اپايىمىز ءوز ەلىمىزدى ارالاي الاتىن شىعار دەپ ويلايمىن.
مەن قىدىرالىنىڭ ورنىندا بولسام بىلاي دەپ لايفحاك ايتار ەدىم. قاراقات، ءبىز بىلاي جاسايىق، ۇلكەەەەن قىلىپ مونشا سالايىق، سوسىن وعان ادامدار شاقىرۋ ءۇشىن، جارناماسىن «قاراقاتپەن ءشاي قىدىرالىمەن ساۋنا» دەپ جازايىق. مونشاعا شومىلىپ شىققان ادامدارعا سەن ءوز قولىڭمەن ءشاي قۇيىپ بەرەسىڭ، ال مەن ولارمەن پارعا بىرگە تۇسەمىن. ۆوت ۆيديش بىزدەردى كورۋ ءۇشىن قانشا ادام كەلەدى. كىشكەنە اينالدىرىپ العان سوڭ بيزنەستى براتيشكالارعا تاپسىرامىز، كەيىن ارىقاراي وزدەرى جۇرگىزە بەرەدى، ال ءبىز ءانىمىزدى ايتىپ تىنىش جۇرە بەرەيىك دەيتىن ەدىم.
«قازانشىنىڭ ەركى بار قايدان قۇلاق شىعارسا» دەيىن دەسەڭ، بارلىق ارنا ءوز باعدارلاماسىن حالىق ءۇشىن جاسايتىن بولعان سوڭ بۇل ماقالدى قولدانۋ ءتيىمسىز.
بەيبىت قازىبەكوۆ
