ساۋد ارابياسى وزبەكستاننان كەمىندە 20 مىڭ ەڭبەك ميگرانتىن جۇمىسقا تارتۋدى جوسپارلاپ وتىر. بۇل تۋرالى Caliber.Az اگەنتتىگى جازدى، دەپ حابارلايدى «ادىرنا» ءتىلشىسى.
بۇل ماسەلە وزبەكستان رەسپۋبليكاسىنىڭ جۇمىسپەن قامتۋ ءمينيسترى بوتير زاحيدوۆتىڭ ساۋد ارابياسىنىڭ وزبەكستانداعى ەلشىسى يۋسۋف بين سوليح ءال-ۋتايبيمەن كەزدەسۋىندە بەلگىلى بولعان.
كەزدەسۋ بارىسىندا تاراپتار بىرقاتار ماماندىق بويىنشا كادرلار دايارلايتىن وقۋ ورتالىقتارىن قۇرۋ مۇمكىندىگىن دە تالقىلاعان.
ەسكە سالايىق، 24 جەلتوقساندا ەر-رياد قالاسىندا وزبەكستان دەلەگاتسياسى مەن ساۋد ارابياسى وكىلدەرىنىڭ كەزدەسۋى وتكەن بولاتىن. تاراپتار زاڭدى ەڭبەك ميگراتسياسى, كاسىبي دايارلاۋ, ەڭبەك ينسپەكتسياسى جانە جۇمىسپەن قامتۋ ماسەلەلەرىن ۇيلەستىرۋ سالالارىنداعى ىنتىماقتاستىقتى نىعايتۋ جولدارىن تالقىلاعان. اسىرەسە 2026 جىلدىڭ قاڭتارىنان باستاپساۋد ارابياسىندا ىسكە قوسىلاتىن شەتەلدىك ازاماتتاردى جۇمىسقا قابىلداۋ ۇدەرىستەرىن تسيفرلاندىرۋعا باعىتتالعان «Takamul» پلاتفورماسىن ەنگىزۋ ماسەلەسىنە جانە وسى جۇيەنى وزبەكستاندا بەيىمدەۋ مۇمكىندىگىنە ەرەكشە نازار اۋدارىلعان. اتالعان پلاتفورما وزبەكستان ازاماتتارىنا جۇمىس بەرۋشىلەرمەن تىكەلەي ەڭبەك شارتتارىن جاساۋعا مۇمكىندىك بەرەدى.
