Jalpy sháı s mıatoı, sháı s ımbırom, sháı s molokom degen bolady. Qaraqatpen de bolady, no adammen emes.
Otandyq telearnalardaǵy baǵdarlamalar bir-birine uqsas bolyp bara jatqan sııaqty. Asyǵyp,bolatyn ýaqytyn kútip kóretin baǵdarlamalar sany azaıǵandaı. Sonyń bir dáleli osy Qaraqatpen sháı baǵdarlamasy. Shtamp. Ádettegideı bir ánshi ne ártis keledi, sol dejýrnyı suraqtaryn qoıyp, arasynda qatty kúlip alady boldy. Qudaıym-aý osy tıptes baǵdarlamar elimizdegi arnalarda myń ǵoı. Onyń nesin jarnamalap súıinshi suraıdy? Jalpy Qaraqat degen kim? Nege onymen sháı ishemiz?
Qaraqat- estrada ánshisi biraq sháı ishetindeı tulǵa emes. Bar bolǵany ánshi. Bul baǵdarlamany atyn aýystyryp, formatyn ózgertip, elge eleýli, halyqqa qalaýly salmaǵy bar tulǵa nemese kásibı jýrnalıst júrgizse túsinetin edim. Onsyz da tas atsań ánshiniń ózine, túkirseń jerdegi plakatyna tıetin zamanda efırge jyltyńdatyp shyǵara berýdiń qajeti qansha?
Basqa-basqa Habar arnasynyń osy baǵdarlama arqyly reıtıngi kóterilip ketti dep aıta almaımyn. Ózderińiz bilesizder báseke úshin sapaly kontent qajet. Muny otandyq massmedıa Habar qanshalyqty oryndaı alyp otyr? Mynaý sapaly kontent emes, bul jáı oblystyq deńgeıde arnada bolatyn baǵdarlama. Bulardyń ornyna kishkene aýdıtorııa tartatyn halyqqa ótimdi áleýmettik, densaýlyq, bilim salasyna, qatysty joba jasasa. Aqyry Qaraqatpen sháı bolǵan eken, ony elge belgili adamdarmen emes, shynymen de Qaraqatty kórgisi keletin alys-aımaqqa, aýyldarǵa aparyp, sondaǵy jetim-jesir, az qamtamasyz etilgen otbasy baldarymen suhbattasyp, kezdesip, sháı ishse basqa áńgime. Álemdik deńgeıdegi juldyzdar, sondaı jandarmen kezdesý úshin sonaý Afrıkaǵa baryp jatqan da. Qaraqat apaıymyz óz elimizdi aralaı alatyn shyǵar dep oılaımyn.
Men Qydyráliniń ornynda bolsam bylaı dep laıfhak aıtar edim. Qaraqat, biz bylaı jasaıyq, úlkeeeen qylyp monsha salaıyq, sosyn oǵan adamdar shaqyrý úshin, jarnamasyn «Qaraqatpen sháı Qydyrálimen saýna» dep jazaıyq. Monshaǵa shomylyp shyqqan adamdarǵa sen óz qolyńmen sháı quıyp beresiń, al men olarmen parǵa birge túsemin. Vot vıdısh bizderdi kórý úshin qansha adam keledi. Kishkene aınaldyryp alǵan soń bıznesti bratıshkalarǵa tapsyramyz, keıin aryqaraı ózderi júrgize beredi, al biz ánimizdi aıtyp tynysh júre bereıik deıtin edim.
«Qazanshynyń erki bar qaıdan qulaq shyǵarsa» deıin deseń, barlyq arna óz baǵdarlamasyn halyq úshin jasaıtyn bolǵan soń bul maqaldy qoldaný tıimsiz.
Beıbit Qazybekov
