بيىل قىزىلوردا قالاسىندا تۇرعىن ءۇي قۇرىلىسىن دامىتۋعا، الەۋمەتتىك جانە ينجەنەرلىك ينفراقۇرىلىمدى جاقسارتۋعا ۇلتتىق قوردان، رەسپۋبليكالىق جانە وبلىستىق بيۋدجەتتەردەن بارلىعى 53 ملرد. تەڭگە ءبولىنىپ، ءىرى جوبالار جۇزەگە اسۋدا.
قۇرىلىس سالاسى
ايماق باسشىسىنىڭ باستاماسىمەن وبلىس ورتالىعىندا ءبىر مەزەتتە قاتارىنان ءۇش بىردەي عيماراتتىڭ ىرگەتاسى قالاندى. ولار: 1,6 ملرد. تەڭگەنى قۇرايتىن «نەكە سارايى»، 3,7 ملرد. تەڭگە بولاتىن 1000 ورىندىق «كوپفۋنكتسيونالدى كەشەنى (ونەر ورتالىعى)» جانە 2,8 ملرد. تەڭگەنى قۇرايتىن «وبلىستىق قان ورتالىعىنىڭ» قۇرىلىستارى.
جەرلەسىمىز، بەلگىلى كاسىپكەر مارات دۇيسەنباەۆتىڭ دەمەۋشىلىگىمەن قۇنى 1,5 ملرد. تەڭگەنى قۇرايتىن «اناعا تاعزىم» ورتالىعىنىڭ قۇرىلىسى جۇرۋدە. بۇل نىسان شىلدە ايىندا پايدالانۋعا بەرىلەدى.
ينفراقۇرىلىمدىق الەۋەتتى دامىتۋدا بولات وتەمۇراتوۆتىڭ قولداۋىمەن قۇنى 31 ملن اقش دوللارىبولاتىن «قورقىت اتا» اۋەجايى جاڭا تەرمينالىنىڭ قۇرىلىسى باستالدى. "Accent Development Solutions" جشس-ءتى جۇمىستى اقپان ايىندا باستادى. اياقتالۋ مەرزىمى 2024 جىلدىڭ مامىر ايى.
«قازگەرمۇناي» ۇلتتىق كومپانياسى باسشىلىعى زاماناۋي ۇلگىدەگى «وقۋشىلار سارايىنىڭ» جوباسىن قولعا الدى. ودان بولەك، شاھارىمىزدا 200 توسەكتىك جاڭا پەريناتالدىق ورتالىقتىڭ قۇرىلىسى باستالادى. قۋاتتىلىعى 240 مەگاۆاتتى قۇرايتىن جىلۋ ەلەكتر ورتالىعىنىڭ دا ىرگەتاسى قالاندى. «اكسا ەنەردجي» تۇرىك كومپانياسىمەن بىرلەسكەن جۇمىستار 2025 جىلى اياقتالىپ، جاڭا نىسان ەل يگىلىگىنە بەرىلەدى.
قالادا بىرنەشە كوپقاباتتى تۇرعىن ۇيلەردىڭ قۇرىلىستارى جۇرۋدە. بۇل اۋقىمدى جوبالارعا رەسپۋبليكالىق جانە وبلىستىق بيۋدجەتتەردەن 27 ملرد 510 ملن تەڭگە ءبولىندى. وسى نىسانداردىڭ قۇرىلىسى اياقتالىسىمەن، باسپانا كەزەگىندەگى تۇرعىندارعا پاتەر كىلتتەرى تابىستالىپ، سۇرانىس قاناعاتتاندىرىلادى. ەسكەرەتىن جايت، قۇرىلىستاعى بيىلعى ەرەكشەلىك سول جاعالاۋدان 7 قاباتتى 6 ءۇي بوي كوتەرۋدە.
ءبىر اۋىسىمدا 100 كەلۋشىگە ارنالعان ەمحاناسى بار،
300 توسەكتىك كوپبەيىندى اۋرۋحانا (ونكولوگيالىق بولىمشەسىمەن) سالۋعا رەسپۋبليكالىق جانە وبلىستىق بيۋدجەتتەردەن 3 ملرد. 272,4 ملن. تەڭگە ءبولىندى (جوبا قۇنى 36,8 ملرد. تەڭگە).
تاسبوگەت كەنتىنەن دەنە شىنىقتىرۋ-ساۋىقتىرۋ كەشەنىن سالۋعا وبلىستىق بيۋدجەتتەن 542,1 ملن. تەڭگەقارالدى.
«جايلى مەكتەپ» ۇلتتىق جوباسى اياسىندا زاماناۋي ۇلگىدەگى 8 مەكتەپ سالۋ جوسپارلانۋدا. ونىڭ بەسەۋىنىڭ قۇرىلىسى بيىلعى جىلى باستالادى.
سول جاعالاۋدان 400 ورىندىق جانە 300 ورىندىق جاتاقحاناسىمەن فيزيكا-ماتەماتيكالىق مەكتەپ-ينتەرناتىنىڭ قۇرىلىسى جۇرگىزىلەدى.
تۇرعىن ۇيلەردى قايتا جاڭعىرتۋ
12 كوپپاتەرلى تۇرعىن ۇيلەرگە كۇردەلى جوندەۋ جۇمىستارىن جۇرگىزۋ ءۇشىن 773,8 ملن. تەڭگە ءبولىندى. قۇرىلىس-مونتاج جۇمىستارى باستالىپ كەتتى.
جول-كولىك ينفراقۇرىلىمىن دامىتۋ باعىتى
بايتەرەك تۇرعىن اۋدانىنا «قىزىلجارما» كانالى ارقىلى وتەتىن اۆتوموبيل كوپىرىنىڭ قۇرىلىسىن جۇرگىزۋ ءۇشىن رەسپۋبليكالىق جانە وبلىستىق بيۋدجەتتەن 384,7 ملن. تەڭگە ءبولىنىپ، قۇرىلىس-مونتاج جۇمىستارى جۇرگىزىلۋدە (مەردىگەر «ستاندارت ويل كزو» جشس).
بۇدان بولەك، ع.مۇراتباەۆ جانە ياسساۋي كوشەلەرىنىڭ قيىلىسىنداعى تەمىر جول ارقىلى وتەتىن جاياۋ جۇرگىنشىلەرگە ارنالعان كوپىر قۇرىلىسىنا رەسپۋبليكالىق جانە وبلىستىق بيۋدجەتتەن 320,5 ملن. تەڭگەءبولىنىپ، جۇمىستارى جۇرۋدە. (مەردىگەر «گۇلنۇر مك» جشس).
قالانىڭ باستى كوشەلەرىنىڭ ءبىرى سانالاتىن س.بەيبارىس كوشەسىن (ن.نازارباەۆ داڭعىلىنان «قىزىلوردا-قۇمكول» تراسساسىنا دەيىن) قايتا جاڭعىرتۋ جۇمىستارىن جۇرگىزۋگە رەسپۋبليكالىق جانە وبلىستىق بيۋدجەتتەن 2 ملرد. 349 ملن. تەڭگە ءبولىنىپ، 4,2 شاقىرىمى جاڭعىرتىلۋدا (مەردىگەر «ۋاد» جشس).
بيۋدجەتتىڭ بارلىق تۇرلەرى مەن مەملەكەتتىك باعدارلامالار ارقىلى جالپى قۇنى 12 ملرد. تەڭگەگە قالا مەن وعان قاراستى كەنت جانە اۋىلدىق وكرۋگتەردەگى 238 كوشە جوندەلۋدە (165 شاقىرىم).
سىرداريا وزەنىنىڭ سول جاعالاۋىندا باستى كوشە جولىنىڭ باتىس ەۆروپا-باتىس قىتاي دالىزىمەن جاناساتىن جەرىنە كولىك ايىرىعىن سالۋعا رەسپۋبليكالىق جانە وبلىستىق بيۋدجەتتەردەن 5,7 ملرد. تەڭگەءبولىنىپ، بۇل جۇمىستار بيىلعى جىلى تولىعىمەن اياقتالادى.
ەلەكتر جانە جىلۋ جەلىسى
بيىلعى جىلى جىلۋ جەلىلەرىن قايتا جاڭعىرتۋعا 8 جوبا ازىرلەندى. وعان رەسپۋبليكالىق بيۋدجەتتەن 8,2 ملرد تەڭگە ءبولىندى. ونىڭ ىشىندە سۇلتان بەيبارىس كوشەسىنىڭ بويىنداعى جىلۋ قۇبىرلارىن جەر استىمەن جۇرگىزۋگە 5,2 ملرد تەڭگەسى قارالدى. جۇمىستار باستالىپ كەتتى.
اباتتاندىرۋ
19 كوشەگە جاياۋ جۇرگىنشىلەر جولىن سالۋ ءۇشىن
(34 شاقىرىم) وبلىستىق بيۋدجەتتەن 690 ملن. تەڭگە ءبولىندى. جۇمىستىڭ 80 پايىزى ورىندالدى. 7 كوشەگە بورديۋرلەر ورناتىلىپ، قيىرشىق تاسپەن تولتىرىلىپ، اسفالت توسەلۋدە.
قالا اۋماعىنداعى 17 كوپقاباتتى تۇرعىن ءۇي اۋلالارىن كۇردەلى جوندەۋ ءۇشىن وبلىستىق بيۋدجەتتەن 300,0ملن. تەڭگە ءبولىنىپ، مەملەكەتتىك ساتىپ الۋ جۇمىستارى جۇرگىزىلۋدە.
س.بەيبارىس كوشەسىن اباتتاندىرۋعا رەسپۋبليكالىق بيۋدجەتتەن 1 ملرد. 741,7 ملن تەڭگە (ن.نازارباەۆ داڭعىلىنان تاۋەلسىزدىك داڭعىلىنا دەيىن) ءبولىندى. قازىر مۇندا قىزۋ جۇمىستار جۇرۋدە. (مەردىگەر «تەحوسناستكارەمسەرۆيس» جشس).
سانيتارلىق-تازالىق جانە كوركەيتۋ-كوگالداندىرۋ جۇمىستارى
جەرگىلىكتى بيۋدجەتتەن بولىنگەن 1 ملرد. 791,4 ملن. تەڭگەگە سانيتارلىق تازالىق جانە كوركەيتۋ-كوگالداندىرۋ جۇمىستارى جۇرگىزىلەدى.
سونىمەن قاتار، «قىزىلوردا تازالىعى» جانە قىزىلوردا سۋ جۇيەسى» مەكەمەلەرىنىڭ ماتەريالدىق-تەحنيكالىق بازاسىن نىعايتۋ ماقساتىندا بيىل 28 دانا ارنايى تەحنيكا الۋعا 1 ملرد. 162,9 ملن. تەڭگەءبولىندى (10 كاماز، 2 تراكتور، 2 پوگرۋزچيك، 6 FAW, 3 اسسەنيزاتور، 2 پىلەسوس، 1 ناسوس، 1 گازەل، 1 حايس).
2022 جىلى 525,6 ملن. تەڭگەگە 11 دانا ارنايى تەحنيكا الىندى
قوعامدىق كولىك سالاسى
وتكەن جىلى 1 ملرد. 434 ملن. تەڭگەگە «قىزىلوردا اۆتوبۋس پاركىنە» «ونەركاسىپتى دامىتۋ قورى» ارقىلى جاڭادان ليزينگكە 150 دانا اۆتوبۋس الىندى. بيىل ايماق باسشىسىنىڭ تىكەلەي قولداۋىمەن تاعى 150اۆتوبۋس الۋعا 1 ملرد. 434 ملن. تەڭگە ءبولىنىپ، مەملەكەتتىك ساتىپ الۋ جۇمىستارى جۇرگىزىلۋدە.
اۋىز سۋ جانە كارىز سۋ جەلىلەرى
بيىل توزىعى جەتكەن اۋىز سۋ جانە كارىز سۋ جەلىلەرىن قايتا جاڭعىرتۋعا رەسپۋبليكالىق جانە وبلىستىق بيۋدجەتتەردەن بارلىعى 3 ملرد. 791 ملن. تەڭگە قارالدى. زەردەلەۋ بويىنشا انىقتالعان اۋماقتارداعى جەلىلەر جاڭالانىپ، قوسىمشا جۇمىستار جاسالىنادى.
ودان بولەك، ەڭ ءىرى جوبا - بايتەرەك تۇرعىن اۋدانىنداعى تۇرعىن سەكتوردىڭ ينجەنەرلىك-كوممۋنيكاتسيالىق ينفراقۇرىلىمىنا بىلتىرعى جىلى رەسپۋبليكالىق بيۋدجەتتەن بولىنگەن 1 ملرد. تەڭگەگە 7 دانا ۇڭعىما، 3 دانا رەزەرۆۋاردىڭ قۇرىلىسى اياقتالدى.
بۇل ارقىلى «بايتەرەك» جانە قوسىمشا شانحاي، كبي تۇرعىن اۋداندارىندا ورنالاسقان جەكە تۇرعىن ۇيلەر تۇراقتى قىسىمدى ساپالى اۋىز سۋ مەن قامتاماسىز ەتىلەدى.
گاز جەلىسى
اقسۋات اۋىلدىق وكرۋگىن گازداندىرۋ جوباسى اياقتالدى. قۇنى 4 ملرد 960 ملن تەڭگە بولاتىن بۇل قۇرىلىس ساپالى ءارى مەرزىمىندە جۇرگىزىلدى. سونىمەن بىرگە، قوسشىڭىراۋ اۋىلدىق وكرۋگىنىڭ اباي، دوسان ەلدى مەكەندەرىنە دە گاز جەلىسى تارتىلۋدا. بۇل جوباعا رەسپۋبليكالىق جانە وبلىستىق بيۋدجەتتەردەن 662,7 ملن.تەڭگە ءبولىندى.
