قوستانايدا «پەشكوۆسكي اتىنداعى ارناۋلى الەۋمەتتىك قىزمەتتەر كورسەتۋ ورتالىعى» كمم ديرەكتورىنا قاتىستى قىلمىستىق ءىس قارالدى»، - دەپ حابارلايدى "ادىرنا" ءتىلشىسى قالالىق سوتتىڭ ءباسپاسوز قىزمەتىنە سىلتەمە جاساپ.
بەلگىلى بولعانداي، سوتتالۋشىلار 2021 جىلدىڭ جەلتوقسانىنان 2022 جىلدىڭ ساۋىرىنە دەيىنگى ارالىقتا پسيحيكالىق اۋىتقۋشىلىقپەن اۋىراتىن ايەلدىڭ ماتەريالدىق جانە وزگە دە تاۋەلدىلىگىن پايدالانىپ، ونى جەكە ينتەرنات ۇيىنە زاڭسىز جەتكىزىپ، بوس جۇمىس كۇشى رەتىندە پايدالانعان.
«سوتتالۋشىلار ج.، ا. جانە ب. پسيحيكالىق اۋىتقۋشىلىعى بار جابىرلەنۋشى م.-نىڭ ماتەريالدىق جانە وزگە دە تاۋەلدىلىگىن پايدالانا وتىرىپ، قوستاناي وبلىسى فەدوروۆ اۋدانى، پەشكوۆكا اۋىلىنان استانا قالاسىنا اكەلىپ، ونى «قامقورلىق» جەكە ينتەرنات ۇيىندە تەگىن جۇمىس كۇشى رەتىندە پايدالانعان»، - دەپ حابارلادى قوستاناي سوتىنىڭ ءباسپاسوز قىزمەتى.
پروكۋرورلار ءىس بويىنشا ايىپتالۋشىلاردى 9 جىلدان 12 جىلعا دەيىن باس بوستاندىعىنان ايىرۋدى سۇرادى. سوتتالۋشىلار ءوز كىنالارىن مويىندامادى.
«سوتتالۋشىلاردىڭ جەكە باسىن، ءىستىڭ ءمان-جايىن، جاسالعان قىلمىستاردىڭ اۋىرلىعىن ەسكەرە وتىرىپ، سوت قىلمىستىق كودەكستىڭ 58-بابىنىڭ 3-بولىگىن نەگىزگە الا وتىرىپ، سوتتالۋشىلارعا باس بوستاندىعىنان ايىرۋ تۇرىندەگى تۇپكىلىكتى ۇكىم شىعاردى: "قوستاناي وبلىسى اكىمدىگىنىڭ ۇيلەستىرۋ جانە جۇمىسپەن قامتۋ جانە الەۋمەتتىك باعدارلامالار باسقارماسى" مەملەكەتتىك مەكەمەسىنىڭ ءبولىم باسشىسى - سەگىز جىل مەرزىمگە; «پەشكوۆسكي ارناۋلى الەۋمەتتىك قىزمەتتەر كورسەتۋ ورتالىعى» كمم ديرەكتورى – قك-ءنىڭ 55-بابىنىڭ 2, 6-بولىكتەرىن قولدانۋمەن – التى جىل جەتى ايعا ءومىر بويىنا مەملەكەتتىك لاۋازىمداردى اتقارۋ قۇقىعىنان ايىرۋمەن قاتار، قىلمىستىق جاۋاپكەرشىلىككە تارتتى.
"ادىرنا" ۇلتتىق پورتالى
