Qostanaıda «Peshkovskıı atyndaǵy arnaýly áleýmettik qyzmetter kórsetý ortalyǵy» KMM dırektoryna qatysty qylmystyq is qaraldy», - dep habarlaıdy "Adyrna" tilshisi qalalyq sottyń baspasóz qyzmetine silteme jasap.
Belgili bolǵandaı, sottalýshylar 2021 jyldyń jeltoqsanynan 2022 jyldyń sáýirine deıingi aralyqta psıhıkalyq aýytqýshylyqpen aýyratyn áıeldiń materıaldyq jáne ózge de táýeldiligin paıdalanyp, ony jeke ınternat úıine zańsyz jetkizip, bos jumys kúshi retinde paıdalanǵan.
«Sottalýshylar J., A. jáne B. psıhıkalyq aýytqýshylyǵy bar jábirlenýshi M.-nyń materıaldyq jáne ózge de táýeldiligin paıdalana otyryp, Qostanaı oblysy Fedorov aýdany, Peshkovka aýylynan Astana qalasyna ákelip, ony «Qamqorlyq» jeke ınternat úıinde tegin jumys kúshi retinde paıdalanǵan», - dep habarlady Qostanaı sotynyń baspasóz qyzmeti.
Prokýrorlar is boıynsha aıyptalýshylardy 9 jyldan 12 jylǵa deıin bas bostandyǵynan aıyrýdy surady. Sottalýshylar óz kinálaryn moıyndamady.
«Sottalýshylardyń jeke basyn, istiń mán-jaıyn, jasalǵan qylmystardyń aýyrlyǵyn eskere otyryp, sot Qylmystyq kodekstiń 58-babynyń 3-bóligin negizge ala otyryp, sottalýshylarǵa bas bostandyǵynan aıyrý túrindegi túpkilikti úkim shyǵardy: "Qostanaı oblysy ákimdiginiń úılestirý jáne jumyspen qamtý jáne áleýmettik baǵdarlamalar basqarmasy" memlekettik mekemesiniń bólim basshysy - segiz jyl merzimge; «Peshkovskıı arnaýly áleýmettik qyzmetter kórsetý ortalyǵy» KMM dırektory – QK-niń 55-babynyń 2, 6-bólikterin qoldanýmen – alty jyl jeti aıǵa ómir boıyna memlekettik laýazymdardy atqarý quqyǵynan aıyrýmen qatar, qylmystyq jaýapkershilikke tartty.
"Adyrna" ulttyq portaly
