قازاقستان قىتايدان قارىز الماق.

1677

ءماجىلىس قازاقستان ۇكىمەتى مەن قىتاي ۇكىمەتى اراسىنداعى قحر  جەڭىلدىكتى كرەديت بەرۋ تۋرالى نەگىزدەمەلىك كەلىسىمدى راتيفيكاتسيالاۋ تۋرالى زاڭ جوباسىن ماقۇلدادى

استانا، 6 ناۋرىز – Sputnik. قازاقستان ۇكىمەتى شەكاراداعى وتكىزۋ پۋنكتەرىن جاڭعىرتۋعا قىتايدان 2 ميلليارد يۋان (100 ميلليارد تەڭگە) قارىز الۋدى جوسپارلاپ وتىر، دەپ حابارلايدى Sputnik قازاقستان تىلشىسى.

بۇگىن ءماجىلىستىڭ جالپى وتىرىسىندا قىتايدىڭ ەكسيمبانكىنەن قارىز الۋ بويىنشا كەلىسىمدى راتيفيكاتسيالاۋ زاڭ جوباسى قارالدى. پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆتىڭ ايتۋىنشا، قارىزدىڭ جالپى سوماسى 2 ميلليارد 65 ميلليون يۋان، ياعني تەڭگەگە شاققاندا 100 ميلليارد تەڭگەگە جۋىق.

كەلىسىمگە سايكەس، قىتاي بانكى جەڭىلدىكتى كرەديتتى جىلدىق ستاۆكاسى 2 پروتسەنتپەن 20 جىلعا بەرەدى. بۇل اقشاعا قىتاي، وزبەكستان جانە تۇرىكمەنستانمەن اراداعى شەكارادا ورنالاسقان 10 وتكىزۋ بەكەتىن، ونىڭ ىشىندە 9 اۆتوكولىك جانە 1 تەمىرجول پۋنكتىن جاڭعىرتۋ كوزدەلىپ وتىر."وتكىزۋ پۋنكتەرى قۇلاعالى تۇرعان جوق. قازىر ءبىزدىڭ كەدەندىك وتكىزۋ پۋنكتتەرى تاۋلىگىنە 450 كولىك قانا وتكىزۋگە قابىلەتتى. ءبىز وسى قابىلەتتىلىكتى 5400  اۆتوكولىككە دەيىن جەتكىزۋدى جوسپارلاپ وتىرمىز. بۇل دەگەنىمىز بيۋدجەتكە قوسىمشا سالىق، ەكىنشىدەن، قازاقستاننىڭ ترانزيتتىك حاب رەتىندە الەۋەتىن ۇلعايتادى", - دەدى سمايىلوۆ ءماجىلىس كۋلۋارىندا.

مينيستر قىتاي الدىندا بۇدان بولەك مەملەكەتتىك قارىز جوق ەكەنىن اتاپ ءوتتى. تەك قارجى مينيسترلىگىنىڭ بەرىلگەن كەپىلدىكتەرى بار.

"مەملەكەت تاراپىنان قىتايدان كرەديت الىنعان جوق. بىراق قارجى مينيسترلىگى بەرگەن كەپىلدىكتەر بار، ياعني ميلليارد 200 ميلليون دوللار شاماسىندا. بۇل قىتايدىڭ ەكسيمبانكىنەن جانە قىتايدىڭ مەملەكەتتىك دامۋ بانكىنەن اۆتوجول جوبالارىن ىسكە اسىرۋعا تارتىلعان كرەديتتەرمەن بايلانىستى", - دەدى ول.

ءماجىلىس دەپۋتاتتارى قازاقستان ۇكىمەتى مەن قىتاي ۇكىمەتى اراسىنداعى قحر  جەڭىلدىكتى كرەديت بەرۋ تۋرالى نەگىزدەمەلىك كەلىسىمدى راتيفيكاتسيالاۋ تۋرالى زاڭ جوباسىن ماقۇلدادى.

ءارى قاراي وقۋ: https://sputniknews.kz/economy/20190306/9519503/qazaqstan-qytay-qaryz.html

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket