Májilis Qazaqstan úkimeti men Qytaı úkimeti arasyndaǵy QHR jeńildikti kredıt berý týraly negizdemelik kelisimdi ratıfıkaııalaý týraly zań jobasyn maquldady
ASTANA, 6 naýryz – Sputnik. Qazaqstan úkimeti shekaradaǵy ótkizý pýnkterin jańǵyrtýǵa Qytaıdan 2 mıllıard ıýan (100 mıllıard teńge) qaryz alýdy josparlap otyr, dep habarlaıdy Sputnik Qazaqstan tilshisi.
Búgin májilistiń jalpy otyrysynda Qytaıdyń Eksımbankinen qaryz alý boıynsha kelisimdi ratıfıkaııalaý zań jobasy qaraldy. Premer-mınıstrdiń birinshi orynbasary – qarjy mınıstri Álıhan Smaıylovtyń aıtýynsha, qaryzdyń jalpy somasy 2 mıllıard 65 mıllıon ıýan, ıaǵnı teńgege shaqqanda 100 mıllıard teńgege jýyq.
Kelisimge sáıkes, Qytaı banki jeńildikti kredıtti jyldyq stavkasy 2 proentpen 20 jylǵa beredi. Bul aqshaǵa Qytaı, Ózbekstan jáne Túrikmenstanmen aradaǵy shekarada ornalasqan 10 ótkizý beketin, onyń ishinde 9 avtokólik jáne 1 temirjol pýnktin jańǵyrtý kózdelip otyr."Ótkizý pýnkteri qulaǵaly turǵan joq. Qazir bizdiń kedendik ótkizý pýnktteri táýligine 450 kólik qana ótkizýge qabiletti. Biz osy qabilettilikti 5400 avtokólikke deıin jetkizýdi josparlap otyrmyz. Bul degenimiz bıýdjetke qosymsha salyq, ekinshiden, Qazaqstannyń tranzıttik hab retinde áleýetin ulǵaıtady", - dedi Smaıylov májilis kýlýarynda.
Mınıstr Qytaı aldynda budan bólek memlekettik qaryz joq ekenin atap ótti. Tek qarjy mınıstrliginiń berilgen kepildikteri bar.
"Memleket tarapynan Qytaıdan kredıt alynǵan joq. Biraq qarjy mınıstrligi bergen kepildikter bar, ıaǵnı mıllıard 200 mıllıon dollar shamasynda. Bul Qytaıdyń Eksımbankinen jáne Qytaıdyń memlekettik damý bankinen avtojol jobalaryn iske asyrýǵa tartylǵan kredıttermen baılanysty", - dedi ol.
Májilis depýtattary Qazaqstan úkimeti men Qytaı úkimeti arasyndaǵy QHR jeńildikti kredıt berý týraly negizdemelik kelisimdi ratıfıkaııalaý týraly zań jobasyn maquldady.
Ári qaraı oqý: https://sputniknews.kz/economy/20190306/9519503/qazaqstan-qytay-qaryz.html
