جەلىدە جۋرناليست ەربول ماندىبەكتىڭ پرەزيدەنتكە جىلاپ ۇندەۋ جولداعان ۆيدەوسى تارادى. وعان مينيسترلىك جاۋاپ بەردى، دەپ جازادى “ادىرنا”.
ءتىلشىنىڭ ايتۋىنشا وعان قۇزىرلى ورگان تاراپىنان قىسىم جاسالعان. بالالارىنىڭ بولاشاعى ءۇشىن الاڭداۋلى ازامات، مەملەكەت باسشىسىنان قۇقىعىنىڭ قورعالۋىن سۇراۋدا.
“سابىرىم تاۋسىلدى. بىرنەشە اقپارات ۆيدەولاردى جاسىرىپ قويدىم. حابارى بار ادامدار ونى قالاي تابۋدى بىلەدى. بالالارىمدى، باۋىرلارىمدى ويلاپ، جىلاپ وتىرمىن” دەدى ول ۆيدەودا.
اتالمىش جايتقا قاتىستى اقپارات جانە قوعامدىق دامۋ ءمينيسترى پىكىرىن ءبىلدىردى. ءجۋرناليستىڭ ءوتىنىشى بويىنشا قر ىشكى ىستەر مينيسترلىگى ءمان-جايدى انىقتاپ، جۇمىس ىستەپ جاتقانىن مالىمدەدى.
“بۇگىن الەۋمەتتىك جەلىدە جۋرناليست ەربول ماندىبەكتىڭ ۆيدەو ۇندەۋى جاريالانعانىنان حاباردارمىز. اقپارات جانە قوعامدىق دامۋ مينيسترلىگى جاعدايدى قاداعالاپ، قۇقىق قورعاۋ ورگاندارىمەن تۇراقتى بايلانىس جاساپ وتىر. ارىپتەسكە قانداي دا ءبىر قۇقىقتىق كومەك كورسەتۋگە ءازىرمىز” دەپ جازدى دارحان قىدىرالى.
ماسەلەنىڭ جاي-جاپسارى ءالى دە انىقتالۋدا.
"ادىرنا" ۇلتتىق پورتالى
