Jelide jýrnalıst Erbol Mándibektiń prezıdentke jylap úndeý joldaǵan vıdeosy tarady. Oǵan mınıstrlik jaýap berdi, dep jazady “Adyrna”.
Tilshiniń aıtýynsha oǵan quzyrly organ tarapynan qysym jasalǵan. Balalarynyń bolashaǵy úshin alańdaýly azamat, memleket basshysynan quqyǵynyń qorǵalýyn suraýda.
“Sabyrym taýsyldy. Birneshe aqparat vıdeolardy jasyryp qoıdym. Habary bar adamdar ony qalaı tabýdy biledi. Balalarymdy, baýyrlarymdy oılap, jylap otyrmyn” dedi ol vıdeoda.
Atalmysh jaıtqa qatysty Aqparat jáne qoǵamdyq damý mınıstri pikirin bildirdi. Jýrnalıstiń ótinishi boıynsha QR Ishki ister mınıstrligi mán-jaıdy anyqtap, jumys istep jatqanyn málimdedi.
“Búgin áleýmettik jelide jýrnalıst Erbol Mándibektiń vıdeo úndeýi jarııalanǵanynan habardarmyz. Aqparat jáne qoǵamdyq damý mınıstrligi jaǵdaıdy qadaǵalap, quqyq qorǵaý organdarymen turaqty baılanys jasap otyr. Áripteske qandaı da bir quqyqtyq kómek kórsetýge ázirmiz” dep jazdy Darhan Qydyráli.
Máseleniń jaı-japsary áli de anyqtalýda.
"Adyrna" ulttyq portaly
