قازاقستان جازۋشىلار وداعى الماتى وبلىستىق فيليالىنىڭ توراعاسى قانات ابىلقايىر مۇزبالاق اقىن مۇقاعالي ماقاتاەۆ مەكەن ەتكەن قاراسازداعى ءۇي قاڭىراپ تۇرعانىن جازدى، دەپ حابارلايدى "ادىرنا" ءتىلشىسى.
قاراسازداعى كەزەكتى پوەزيا كەشتەرىنىڭ بىرىنە بارعاندا قانات ابىلقايىر اۋىلدى ارالاپ، ماقاتاەۆتار اۋلەتىنىڭ ۇيىنە جولى تۇسەدى. ونىڭ ايتۋىنشا اقىن ءۇيىن بۇگىندە كىسىلەر باسپانا ەتىپ وتىر.
"ەكى بولمەلى ءۇيدىڭ توبەسىنەن بورەنەلەردىڭ ءدىنى كورىنىپ تۇر. بىلعارىدان قاپتالعان ەسىك پەن قالىڭ تاقتايلى ەدەنى دە كەمى 60-70 جىلدان بەرى كادەگە جاراپ تۇرعانى بايقالادى. تەرەزە دە باياعى زاماندى ەسكە تۇسىرەدى" دەپ جازدى ول.
اۋىل ادامدارى مەن اكىمدىكتەن سۇراستىرعان اقپارات بويىنشا قوناق ەتكەن ۇيلەرى مۇقاعالي ماقاتاەۆتىڭ قاراسازعا كەلگەن سايىن وسى ۇيگە قونىپ، اۋناپ-قۋناعان، مۇقاعاليدى ومىرگە اكەلگەن ناعيمان انامىزدىڭ وسى ۇيدە ءومىرىنىڭ ءبىراز بولىگىن وتكەن، مۇقاعاليدىڭ باۋىرى توقتاربايدىڭ قاسيەتتى ورداسى بولعان قارا شاڭىراق ەكەنى بەلگىلى بولدى.
ورىس اقىنى پۋشكيننىڭ ورال قالاسىندا از ۋاقىت ايالداعان كەزدە تۇرعان ءۇيى قازىر پۋشكيننىڭ مۇراجايى، ال الماتىداعى احمەت بايتۇرسىنۇلىنىڭ مۇراجايى بولىپ تۇرعان باسپانادا احمەت اتامىز از ۋاقىت قانا ءومىر سۇرگەندىگىن ايتىپ، بۇل باسپانانىڭ دا ەلەۋسىز قالماعانىن قالايتىنىن جەتكىزدى قوعام بەلسەندىسى.
قانات ابىلقايىر ماقاتاەۆتار اۋلەتىنىڭ كوزىنىڭ قاراشىعىنداي بولىپ ساقتالعان كونە اعاش ءۇي مەملەكەت قورعاۋىنا الىنىپ، ءۇيدىڭ قابىرعاسىنا بۇل ءۇيدىڭ ماقاتاەۆتار اۋلەتىنە تيەسىلى ءۇي ەكەنى تۋرالى تاقتايشا ورناتىلىپ، مۋزەي بالانسىنا ساتىپ الىپ، مۋزەي فيليالىنا اينالدىرىپ، مۇقاعاليدىڭ ءۇي جاعدايىندا قولدانعان جادىگەرلەرى قويىلىپ، اقىننىڭ رۋحاني ورداسىنا اينالعانىن قولداپ وتىر. جازبا استىنا پىكىر قالدىرعان ادەبيەت جاناشىرىنا اينالعان جۇرتشىلىق، ايتىلعان يدەيانى قوس قولداپ قولداۋدا.
