شىعىس قازاقستان وبلىسىندا بالاعات ءسوز ايتقان اۋىل تۇرعىنى قاماۋعا الىندى، دەپ حابارلايدى “ادىرنا” ۇلتتىق پورتالى.
YK-news.kz سايتىنىڭ اقپاراتىنشا، شەمونايحا اۋداندىق اۋرۋحاناسىنا اۋىل تۇرعىنى اياعىنان جاراقات الىپ كەلگەن. ايەل جەدەل جاردەم بولمەسىنە جەتكىزىلىپ، باسقا ناۋقاستارمەن بىرگە تەكسەرۋدى كۇتكەن. وسى ۋاقىت ىشىندە ول قوعامدىق ورىنداردا ادەتكە جاتپايتىن سوزدەردى پايدالانىپ، نارازىلىعىن ءبىلدىردى. اۋرۋحانا قىزمەتكەرلەرى كومەك سۇراپ پوليتسياعا جۇگىنۋگە ءماجبۇر بولدى.
اۋىل تۇرعىنىنا قاتىستى اكىمشىلىك ءىس قارالعان شەمونايحا اۋداندىق سوتىندا زاڭ بۇزۋشىنىڭ كوپشىلىك الدىندا بالاعات سوزدەر ايتقانى ءۇشىن جاۋاپقا تارتىلۋى جىل باسىنان بەرى ءبىرىنشى رەت ەمەس ەكەنى بەلگىلى بولدى. سوت ايەلدى ءۇش تاۋلىككە اكىمشىلىك قاماۋعا الدى.
ايتا كەتەيىك، ناۋرىز ايىنان باستاپ، اكىمشىلىك قۇقىق بۇزۋشىلىق تۋرالى كودەكسكە بالاعات سوزدەر ايتقانى ءۇشىن جازانى قاتايتاتىن تۇزەتۋلەر كۇشىنە ەنگەن بولاتىن.
مۇنداي ارەكەت ءۇشىن 20 اەك (69 مىڭ تەڭگە تۇرىندەگى جازا) ايىپپۇل نەمەسە 5-تەن 15 تاۋلىككە دەيىن قاماۋعا الادى.
