الەۋمەتتىك جەلىدە اكىمدىكتەن جەتى پوليتسەيدىڭ مۇگەدەك ازاماتتى كۇشپەن شىعارعان ۆيدەوسى قىزۋ تالقىعا ءتۇستى. وقيعا وسكەمەن قالاسىندا بولعان. ءتارتىپ ساقشىلارىنىڭ بۇل ارەكەتى كۋاگەرلەردىڭ نارازىلىعىن تۋدىردى. كەيىن دتسپ-عا شالدىققان ەر ازاماتتىڭ ءۇيىنىڭ جانىنداعى ايالدامانى قايتارۋدى تالاپ ەتىپ كەلگەنى بەلگىلى بولدى، دەپ حابارلايدى “ادىرنا” ۇلتتىق پورتالى 31-ارنانىڭ “ينفورمبيۋرو” باعدارلاماسىنا سىلتەمە جاساپ.
ەر ادام اكىمشىلىك عيماراتىنا ءجيى كەلەدى ەكەن. ول ءۇيىنىڭ ماڭىنداعى بۇرىنعى اۆتوبۋس ايالداماسىن قايتارۋدى تالاپ ەتكەن. ايالدامانى الىس جەرگە اۋىستىرعاندىقتان، مۇگەدەكتىگى بار ازاماتقا جەتۋ قيىنعا سوعادى ەكەن. الايدا بۇل جولى تۇرعىن اكىمدىكتە جانجال شىعارعان. قىزمەتكەرلەردىڭ سوزىنشە، ول تەرمومەتر مەن ەسىكتى سىندىرعان.
ەر ادام ءوز تەلەفونىن دا بۇزىپ العان. ال پوليتسەيلەر "ۇزاق بۇزاقىلىق" جانە "بيلىك وكىلدەرىن بالاعاتتاۋ" بابتارى بويىنشا اكىمشىلىك ءىس قوزعادى. ەگەر سوتتا ونىڭ كىناسى دالەلدەنسە، 230 مىڭ تەڭگە ايىپپۇل سالىنادى نەمەسە 20 تاۋلىككە قاماۋعا الىنادى. سونىمەن قاتار وسكەمەن قالاسىنىڭ اكىمدىگى دەمەۋشىلەردىڭ ەر ادامعا 110 مىڭ تەڭگە بولگەنىن مالىمدەدى. بۇل قارجى ماسەلە شەشىلگەنگە دەيىن ونىڭ تاكسيمەن قاتىناۋىنا ارنالعان.
“ادىرنا” ۇلتتىق پورتالى
