استانادا ءورت ءسوندىرۋ تۇتىگىن ۇرلاعان ادام ۇستالدى، - دەپ حابارلايدى “ادىرنا” ءتىلشىسى استانا قالاسىنىڭ پد ءباسپاسوز قىزمەتىنە سىلتەمە جاساپ.
استانالىق پوليتسەيلەر ءورت ءسوندىرۋ تۇتىكتەرىن ۇرلاۋمەن اينالىسقان 33 جاستاعى ەر ادامدى انىقتادى.
تەرگەۋ بارىسىندا ەر ادام تۇنگى ۋاقىتتا مۇحامەدحانوۆ كوشەسىندەگى تۇرعىن ءۇيدىڭ پودەزىنە كىرگەن. جاقىن ماڭدا ەشكىم جوق ەكەنىنە كوز جەتكىزگەن ۇرى ارنايى ورىندا ساقتالعان ءورت ءسوندىرۋ تۇتىكتەرىن ۇرلاۋعا كىرىسكەن. ەر ادام توعىز دانا ءورت ءسوندىرۋ تۇتىگىن جىمقىرىپ، ۇرلانعان زاتتى بازارعا اپارىپ ساتىپ ۇلگەرگەنى بەلگىلى بولدى.
قازىر قىلمىستىق كودەكستىڭ 188-بابى بويىنشا سوتالدى تەرگەۋ امالدارى جۇرگىزىلىپ، ونىڭ ەلوردادا جاسالعان وسىعان ۇقساس باسقا دا قىلمىستارعا قاتىسى بار-جوعى تەكسەرىلىپ جاتىر.
