“15 900 تەڭگە”: شقو-دا حالىققا وق اتقان ەكس-پوليتسەي ايىپپۇلمەن قۇتىلدى

1407
فوتو: 365info.kz
فوتو: 365info.kz

شىعىس قازاقستان وبلىسى ريددەر قالاسىندا پاتەر تەرەزەسىنەن وق اتىپ، ادامداردى جارالاعان بۇرىنعى پوليتسەي سوتتالدى. بۇل تۋرالى شقو پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.

ۆەدومستۆونىڭ مالىمەتىنشە، ريددەردە ماس ەر ادام قولىنا پنەۆماتيكالىق اتىس قارۋىن الىپ، پاتەرىنىڭ تەرەزەسىنەن كوشەدەگى ادامدارعا وق اتقان. سونىڭ سالدارىنان ەكى ازامات جارالاندى. ەر ادامدى جەدەل كەلىپ جەتكەن ءتارتىپ ساقشىلارى توقتاتتى. بەلگىلى بولعانداي، شاھار تۇرعىنى بۇرىن پوليتسيا قىزمەتىن اتقارعان.

“قالالىق اكىمشىلىك سوتتىڭ شەشىمىمەن ازامات قر اقبتك-ءنىڭ 434-بابى 1-بولىگىمەن («ۇساق بۇزاقىلىق») بويىنشا اكىمشىلىك جاۋاپقا تارتىلدى. سوت جابىرلەنۋشىلەردىڭ اۋىر جاراقات الماعانىن، ايىپتالۋشىنىڭ وسىعان دەيىن سوتقا تارتىلماعانىن ەسكەردى. ول 15 900 تەڭگە ايىپپۇل تولەيدى. ەر ادامنان پنەۆماتيكالىق مىلتىق تاركىلەندى”، – دەلىنگەن حابارلامادا.

ەسكە سالا كەتەيىك، بۇعان دەيىن شىعىس قازاقستان وبلىسىندا دەپۋتات وزىنە قول جۇمساعان ەدى.

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket