Şyǧys Qazaqstan oblysynda balaǧat söz aitqan auyl tūrǧyny qamauǧa alyndy, dep habarlaidy “Adyrna” ūlttyq portaly.
YK-news.kz saitynyŋ aqparatynşa, Şemonaiha audandyq auruhanasyna auyl tūrǧyny aiaǧynan jaraqat alyp kelgen. Äiel jedel järdem bölmesıne jetkızılıp, basqa nauqastarmen bırge tekserudı kütken. Osy uaqyt ışınde ol qoǧamdyq oryndarda ädetke jatpaityn sözderdı paidalanyp, narazylyǧyn bıldırdı. Auruhana qyzmetkerlerı kömek sūrap polisiiaǧa jügınuge mäjbür boldy.
Auyl tūrǧynyna qatysty äkımşılık ıs qaralǧan Şemonaiha audandyq sotynda zaŋ būzuşynyŋ köpşılık aldynda balaǧat sözder aitqany üşın jauapqa tartyluy jyl basynan berı bırınşı ret emes ekenı belgılı boldy. Sot äieldı üş täulıkke äkımşılık qamauǧa aldy.
Aita keteiık, nauryz aiynan bastap, Äkımşılık qūqyq būzuşylyq turaly kodekske balaǧat sözder aitqany üşın jazany qataitatyn tüzetuler küşıne engen bolatyn.
Mūndai äreket üşın 20 AEK (69 myŋ teŋge türındegı jaza) aiyppūl nemese 5-ten 15 täulıkke deiın qamauǧa alady.
