بايقوڭىرداعى ءپۋتيندى قولداۋ ميتينگىن ۇيىمداستىرعاندار جازالانۋى كەرەك - سەناتور

2811
Adyrna.kz Telegram

(فوتو:twitter.com/Rogozin)


بايقوڭىرداعى ءپۋتيندى قولداۋ ميتينگىنە قاتىستى سەنات دەپۋتاتتارى پىكىر ءبىلدىردى. 
ولار بۇل دەرەك انىقتالسا، ۇيىمداستىرعاندار جازالانۋى كەرەكتىگىن ايتتى، دەپ حابارلايدى “ادىرنا” ۇلتتىق پورتالىەكسپرەسس ك سايتىنا سىلتەمە جاساپ.

سەناتور مۇرات باقتيارۇلىنىڭ ايتۋىنشا، الدىمەن بۇل وقيۇانى Facebook جەلىسىنەن كورىپ، كەيىن بايقوڭىر قالالىق ءبىلىم باسقارماسىنا حات جازعان.  جاۋاپ كۇتىپ وتىر.

“بايقوڭىردا قازاقستاننىڭ جانە رەسەيدىڭ قۇزىرەتىن جاتاتىن مەكتەپتەر بار. شىن مانىندە 10-11 سىنىپ وقۋشىلارى ميتينگ شىعىپ جاتسا بۇل دۇرىس ەمەس. مۇنى ۇيىمداستىرعان ادامدار جازاسىن الۋى ءتيىس. بالالاردى ساياساتقا ارالاستىرماۋ كەرەك", — دەيدى مۇرات باقتيارۇلى.

ول وسى رەتتە بۇيرىق بەرگەن مەكتەپ ديرەكتورلارىنىڭ اتتارى اتالىپ، قىزمەتىنەن كەتۋ كەرەك دەپ سانايدى.

ء“وزىم قىزىلوردا وبلىسىنىڭ تۋماسىمىن. دەپۋتات رەتىندە پارلامەنتتە بايقوڭىرعا قاتىستى بىرنەشە ساۋال دا جولدادىم. ول جەردە تەك رەسەيدىڭ زاڭدارى عانا جۇرەدى. جالعا الىپ وتىرعان سوڭ، كەلىسى-مشارت سولاي بولىپ كەتكەن،— دەيدى دەپۋتات.

ال سەناتتىڭ حالىقارالىق قاتىناستار، قورعانىس جانە قاۋىپسىزدىك جونىندەگى كوميتەتىنىڭ توراعاسى مۇحتار قۇل-مۇحاممەد بالالار قۇقىعى جونىندەگى ۋاكىل وسىمەن اينالىسۋى ءتيىس دەپ سانايدى.

"بايقوڭىردا وسىنداي دەرەك بولسا، بۇل ادامنىڭ قۇقىعىن بۇزۋ، ماجبۇرلەۋ بولىپ سانالادى. جالعىز ەرەسەك ادامداردىڭ عانا ەمەس، بالالاردىڭ دا قۇقىعى بولادى. بالالار قۇقىعى جونىندە بىزدە ۋاكىل بار. سوعان وسى دەرەكتى ۇسىنۋ كەرەك. ەشكىمنىڭ بالالاردى ميتينگكە ماجبۇرلەۋگە قاقىسى جوق",- دەيدى مۇحتار قۇل-مۇحاممەد.

ايتا كەتەيىك، بۇعان دەيىن بايقوڭىردا وقۋشىلاردى ءپۋتيندى قولداۋ ءۇشىن ميتينگكە شىعارعان.

“ادىرنا” ۇلتتىق پورتالى

پىكىرلەر