سارسەنبى، 1 مامىر كۇنى تبيليسي پوليتسياسى ەكىنشى وقىلىمنان قابىلدانعان «شەتەلدىك ىقپالدىڭ اشىقتىعى تۋرالى» زاڭ جوباسىنا نارازىلىق بىلدىرۋشىلەرگە قارسى پارلامەنت عيماراتىنىڭ ماڭىندا سۋ اتقىشتار مەن كوزدەن جاس اعىزاتىن شاشقىشتار قولداندى، دەپ حابارلايدى “ادىرنا” ۇلتتىق پورتالى.
«NEWSGEORGIA» Telegram-ارناسىنىڭ حابارلاۋىنشا، «شەتەل اگەنتتەرى» تۋرالى زاڭعا قارسى شەرۋگە قاتىسۋشىلار پارلامەنتتىڭ بۇيىرلىك قاقپاسىن قوقىس جاشىكتەرىمەن توسقاۋىلداعان. شەرۋشىلەردىڭ كەيبىرى قوقىستاردى قورشاۋدان اسىرىپ تاستادى. پوليتسيا شەرۋشىلەرگە قارسى كوزدەن جاس اعىزاتىن سپرەي مەن سۋ اتقىشتارىن قولدانعان.
بۇعان قوسا، راستالماعان مالىمەتتەرگە قاراعاندا، ءتارتىپ ساقشىلارى دەمونسترانتتارعا رەزەڭكە وق جاۋدىرعان. نارازىلىق بىلدىرگەن سەگىز ادام اۋرۋحاناعا جاتقىزىلعانى ايتىلدى.
