اتىراۋ قالاسى مەن وعان قاراستى 6 اۋىلدىق وكرۋگتە «تازا قازاقستان» جالپىۇلتتىق ەكولوگيالىق باعدارلاماسى اياسىندا ەرەكشە تازالىق اكتسياسى باستالدى.
اكتسيانىڭ شارتى قاراپايىم: تۇرعىندار 10 پلاستيكالىق بوتەلكە جيناپ، ونى 1 بالمۇزداققا ايىرباستاي الادى. باستاما اسىرەسە بالالاردىڭ قىزىعۋشىلىعىن وياتىپ، ولاردى قورشاعان ورتانى تازا ۇستاۋعا جانە ەكولوگيالىق مادەنيەتتى قالىپتاستىرۋعا ىنتالاندىرۋدى كوزدەيدى.
اكتسيا اياسىندا جالپى 7 مىڭ بالمۇزداق تاراتۋ جوسپارلانعان. وسىلايشا 70 مىڭ پلاستيكالىق بوتەلكە جيناۋ كوزدەلىپ وتىر.
بۇگىندە دامبى، اتىراۋ جانە كەڭوزەك اۋىلدىق وكرۋگتەرىندە اكتسياعا بەلسەندى قاتىسۋشىلاردان 30 مىڭعا جۋىق پلاستيكالىق بوتەلكە جينالدى.
جينالعان پلاستيكالىق بوتەلكەلەر قايتا وڭدەۋگە جىبەرىلەدى. ۇيىمداستىرۋشىلار اكتسيا ارقىلى تۇرعىنداردى تازالىققا ۇلەس قوسىپ قانا قويماي، پلاستيك قالدىقتاردى سۇرىپتاۋ مەن قايتا وڭدەۋدىڭ ماڭىزدىلىعىنا نازار اۋدارۋعا شاقىرادى.
ايتا كەتەيىك، اكتسيا قالا اۋماعى مەن اۋىلدىق وكرۋگتەردە كەزەڭ-كەزەڭىمەن جالعاسادى.
