"ۇلتقا قىزمەت ەتۋ - وتباسىداعى تاربيەدەن" - قوعام بەلسەندىسى ارمان شوراەۆ وتباسىلىق سۋرەتتەرىن ءبولىسىپ، ەل ىقىلاسىنا بولەندى

2153
Adyrna.kz Telegram

قوعام بەلسەندىسى، ۇلتتىق ساناسى مىعىم ازامات، جۋرناليست ارمان شوراەۆ جەكە مۇراعاتىنا ءۇڭىلىپ، وتباسىلىق سۋرەتتەرىن وقىرمانعا پاش ەتتى. ۇلتى ءسۇيۋ مەن حالقىنا قىزمەت ەتۋ ماسەلەسىنە قاتىستى ماڭىزدى اڭگىمە ءوربىتىپ، ۇلتتىق سانانىڭ نەگىزگى باستاۋ-بۇلاعىنا باس بۇردى، دەپ حابارلايدى "ادىرنا"  ۇلتتىق پورتالى. 

قوعام بەلسەندىسى ارمان شوراەۆ جەكە مۇراعاتىنداعى سۋرەتتەردى جارىققا شىعارىپ، قازاقىلىقتىڭ قانىنا ءسىڭىستى تاربيەمەن ەرتەدەن كوكتەگەنىن ايتتى. يدەولوگيالىق شىرماۋى كوپ كەڭەس وداعىنىڭ كەزىندە ۇلتتىق كيىم قۇدىرەتىمەن شاڭىراق كوتەرىپ، وتباسىن قۇرعان ازاماتقا اق تىلەگىن جاۋدىرىپ جاتقاندار كوپ.

قوعام بەلسەندىسىنىڭ ايتۋىنشا، مۇنىڭ ءبارى  اتا-اناسىنىڭ ارقاسى. اتا-اناسى سولتۇستىك قازاق جەرىندە عۇمىر كەشكەنىنە قاراماستان سالت-ءداستۇر مەن ۇلتتىق قۇندىلىقتاردى ەرەكشە قادىر تۇتىپ، بالالارىن قازاقى تاربيەمەن وسىرگەن:

- قانىنا تارتپاعاننىڭ قارى سىنسىن…

قازاقىلىقتى تىلىمە عانا ەمەس قانىما ءسىڭىرىپ وسىرگەن اتا-اناما مىڭ راحمەت! قىلىشىنان قان تامباسا دا، قايراتى قايتپاعان كەڭەس ۇكىمەتى كەزىندە وشاعىمنىڭ يەسىمەن وسىنداي قازاقى ستيلدە شاڭىراق كوتەرگەنبىز.

وڭتۇستىك ايماقتا بۇل ماقتانىپ كورسەتەتىن دۇنيە ەمەس شىعار، سول زاماندا ءبىزدىڭ سولتۇستىكتە سۆەتالار ساۋلە ەكەنىن، جوريكتەر جۇمانباي ەكەنىن ۇمىتىپ كەتكەن كەز ەدى…

دەسە دە ءبارى وتباسىنداعى تاربيەدەن باستاۋ الادى. زاميرا حانىم، مودنىي كويلەكتەردىڭ ورتاسىندا ءجۇرىپ، قيىننان قيىستىرىپ تابىلعان قازاقى ساۋكەلە كيىپ سەرىگىم بولعانىڭا راحمەت!

ۇلتقا قىزمەت ەتۋ مىنەزدەن جانە وتباسىنداعى تاربيەدەن! مەن ەلىكتەپ نەمەسە ەرىگىپ ءجۇرىپ ۇلتجاندى بولعان ادام ەمەسپىن، ول مەنىڭ قانىم مەن تاربيەمدەگى بار دۇنيە! - دەدى شوراەۆ.
"ادىرنا" ۇلتتىق پورتالى

 

 

پىكىرلەر