Qoǵam belsendisi, ulttyq sanasy myǵym azamat, jýrnalıst Arman Shoraev jeke muraǵatyna úńilip, otbasylyq sýretterin oqyrmanǵa pash etti. Ulty súıý men halqyna qyzmet etý máselesine qatysty mańyzdy áńgime órbitip, ulttyq sananyń negizgi bastaý-bulaǵyna bas burdy, dep habarlaıdy "Adyrna" ulttyq portaly.
Qoǵam belsendisi Arman Shoraev jeke muraǵatyndaǵy sýretterdi jaryqqa shyǵaryp, qazaqylyqtyń qanyna sińisti tárbıemen erteden kóktegenin aıtty. Ideologııalyq shyrmaýy kóp Keńes odaǵynyń kezinde ulttyq kıim qudiretimen shańyraq kóterip, otbasyn qurǵan azamatqa aq tilegin jaýdyryp jatqandar kóp.
Qoǵam belsendisiniń aıtýynsha, munyń bári ata-anasynyń arqasy. Ata-anasy soltústik qazaq jerinde ǵumyr keshkenine qaramastan salt-dástúr men ulttyq qundylyqtardy erekshe qadir tutyp, balalaryn qazaqy tárbıemen ósirgen:
- Qanyna tartpaǵannyń qary synsyn…
Qazaqylyqty tilime ǵana emes qanyma sińirip ósirgen ata-anama myń rahmet! Qylyshynan qan tambasa da, qaıraty qaıtpaǵan Keńes úkimeti kezinde oshaǵymnyń ıesimen osyndaı qazaqy stılde shańyraq kótergenbiz.
Ońtústik aımaqta bul maqtanyp kórsetetin dúnıe emes shyǵar, sol zamanda bizdiń soltústikte Svetalar Sáýle ekenin, Jorıkter Jumanbaı ekenin umytyp ketken kez edi…
Dese de bári otbasyndaǵy tárbıeden bastaý alady. Zamıra hanym, modnyı kóılekterdiń ortasynda júrip, qıynnan qıystyryp tabylǵan qazaqy sáýkele kıip serigim bolǵanyńa rahmet!
Ultqa qyzmet etý minezden jáne otbasyndaǵy tárbıeden! Men eliktep nemese erigip júrip ultjandy bolǵan adam emespin, ol meniń qanym men tárbıemdegi bar dúnıe! - dedi Shoraev.
