Qoǧam belsendısı, ūlttyq sanasy myǧym azamat, jurnalist Arman Şoraev jeke mūraǧatyna üŋılıp, otbasylyq suretterın oqyrmanǧa paş ettı. Ūlty süiu men halqyna qyzmet etu mäselesıne qatysty maŋyzdy äŋgıme örbıtıp, ūlttyq sananyŋ negızgı bastau-būlaǧyna bas būrdy, dep habarlaidy "Adyrna" ūlttyq portaly.
Qoǧam belsendısı Arman Şoraev jeke mūraǧatyndaǧy suretterdı jaryqqa şyǧaryp, qazaqylyqtyŋ qanyna sıŋıstı tärbiemen erteden köktegenın aitty. İdeologiialyq şyrmauy köp Keŋes odaǧynyŋ kezınde ūlttyq kiım qūdıretımen şaŋyraq köterıp, otbasyn qūrǧan azamatqa aq tılegın jaudyryp jatqandar köp.
Qoǧam belsendısınıŋ aituynşa, mūnyŋ bärı ata-anasynyŋ arqasy. Ata-anasy soltüstık qazaq jerınde ǧūmyr keşkenıne qaramastan salt-dästür men ūlttyq qūndylyqtardy erekşe qadır tūtyp, balalaryn qazaqy tärbiemen ösırgen:
- Qanyna tartpaǧannyŋ qary synsyn… Qazaqylyqty tılıme ǧana emes qanyma sıŋırıp ösırgen ata-anama myŋ rahmet! Qylyşynan qan tambasa da, qairaty qaitpaǧan Keŋes ükımetı kezınde oşaǧymnyŋ iesımen osyndai qazaqy stilde şaŋyraq kötergenbız. Oŋtüstık aimaqta būl maqtanyp körsetetın dünie emes şyǧar, sol zamanda bızdıŋ soltüstıkte Svetalar Säule ekenın, Jorikter Jūmanbai ekenın ūmytyp ketken kez edı… Dese de bärı otbasyndaǧy tärbieden bastau alady. Zamira hanym, modnyi köilekterdıŋ ortasynda jürıp, qiynnan qiystyryp tabylǧan qazaqy säukele kiıp serıgım bolǧanyŋa rahmet!
Ūltqa qyzmet etu mınezden jäne otbasyndaǧy tärbieden! Men elıktep nemese erıgıp jürıp ūltjandy bolǧan adam emespın, ol menıŋ qanym men tärbiemdegı bar dünie! - dedı Şoraev.
"Adyrna" ūlttyq portaly
Ūqsas jaŋalyqtar
