اقش پرەزيدەنتى دجو بايدەن اۋعانستاننان كەلگەن بوسقىندارعا كومەك كورسەتۋ ءۇشىن 500 ميلليون دوللارعا دەيىن قاراجات ءبولۋدى بۇيىردى، دەپ حابارلايدى "ادىرنا" ۇلتتىق پورتالى.
بۇل تۋرالى اق ءۇي سايتىندا جاريالانعان مەموراندۋمدا ايتىلعان.
قۇجاتتا قاراجات اۋعانستانداعى جاعدايعا بايلانىستى تاۋەكەلگە ۇشىراعان «بوسقىنداردىڭ، جانجال قۇرباندارىنىڭ جانە باسقالاردىڭ شۇعىل قاجەتتىلىكتەرىن قاناعاتتاندىرۋعا» باعىتتالۋى ءتيىس دەلىنگەن.
شىعىنداردى بوسقىندار مەن قونىس اۋدارۋشىلارعا جەدەل كومەك كورسەتۋ مەملەكەتتىك قورى تولەيدى. سونىمەن قاتار، اقش -تىڭ ارنايى يمميگراتسيالىق ۆيزاسىن الۋعا ۇمىتكەر ازاماتتارعا كومەك كورسەتۋ جوسپارلانۋدا، دەپ حابارلايدى REN.tv.
بۇعان دەيىن بايدەن اقش اسكەرلەرىنە كومەكتەسكەن اۋعانستان ازاماتتارىن ەۆاكۋاتسيالاۋ ءۇشىن 100 ميلليون دوللارعا دەيىن قاراجات ءبولۋدى بۇيىردى.
ەسكە سالايىق، امەريكاندىق كوشباسشى ءوزىنىڭ ۇندەۋىندە اقش اۋعانستاندا قالۋ ماقساتىنا قول جەتكىزگەنىن ايتقان بولاتىن.
"ادىرنا" ۇلتتىق پورتالى
