اتى ما فاميلياسى ما دەگەن سۇراقتار الەۋمەتتىك جەلىدە تولاستامادى.
مەن 1970-جىلى 25-مامىردا قىتاي حالىق رەسپۋليكاسىنىڭ شاۋەشەك ايماعىنىڭ شيحۋ قالاسىندا دۇنيەگە كەلدىم، كوپبالالى وتباسىندا 12 اعايىندى. اتا-انامىز مەملەكەت قىزمەتىندە بولعاندىقتان ءبىر-ءبىرىمىزدى قارايلاپ ءجۇرىپ ەرجەتتىك. ماماندىعىم زاڭگەر. زاڭ سالاسىن تاڭداۋىمنىڭ ۇلكەن سەبەپتەرى دە بولدى، وتباسىمىزدا زاڭ قىزمەتىندە 8 ادام جۇمىس جاساعان سوڭ، بىزگە وسى ماماندىق اتادان مۇرا بولىپ قالعانداي سەزىمدە بولاتىنبىز.
اكەم سىدىق قاجىبەك ءمارۋاۇلى سەمەي وبلىسى اقسۋات ءوڭىرىنىڭ تۋماسى، اقتابان شۇبىرىندى ەل قاشقاش زاماندا ەل باسىنا كۇن تۋىپ اشارشىلىق بولىپ جاتقان سول زاماننىڭ قاسىرەتى كىشكەنتاي بالا قاجىبەكتىدە ەسىركەي قويماپتى. ەندى عانا بۇعاناسى قاتقان 15 جاستاعى بالا، تاعدىردىڭ تالكەگىنە كونبەسكە شاراسىز مەنىڭ اكەم قاجىبەك.
ەل باسىنا كۇن تۋعان زامان، اقسۋات ءوڭىرىنىڭ اتقا مىنەر ازاماتتارىن جيناپ اتامىز مارۋا اكەسى سىدىق ەلدى باستاپ اۋىلدى امان الىپ قالۋدىڭ جالعىز امالى قىتايعا جەر اۋدارۋ دەپ شەشىپ، بۇكىل اۋىلدى باستاپ قىتايعا بەتتەيدى.
قازاق شەكاراسىنان قىتاي شەكاراسى اراسىن ءبولىپ تۋرعان ءماسالىم تاۋىنا جەتكەندە ارتتارىنان قۋىپ قالىڭ ورىس سالداتى وكشەلەپ قۋىپ جەتكەندە، امالسىزدان ەلىن ساقتاپ قالۋعا وزدەرى جاساقتاعان اۋىل ازاماتتارىمەن بىرگە ۇلى اتامىز سىدىق جازىم بولىپتى. اقسۋات اۋىلىنىڭ ەلى امان-ەسەن ءماسالىم تاۋىنان اسىپ ۇلگىرگەن ەكەن، جول-جونەكەي اناسىنان ايرىلىپ بالا قاجىبەكتىڭ وزەگى قارس ورتەنىپ توقتاماي ازاپتانىپ جىلاعانىن، قازاق تاعدىرىنىڭ ادام توزگىسىز قاسىرەتىن، ەستىپ وسكەن مەنىڭ ارمانىم قازاقستان توپىراعىنا كەلىپ اكەمنىڭ تۋعان توپىراعىندا قۇران باعىشتاۋ بولدى. بۋل اكەمنىڭدە ارمانى بولاتىن، بىراق تاعدىر اكەمنىڭ ەلىنە ورالۋىنا مۇمكىندىك بەرمەدى.
اكەم 40 جىل بويى تۋعان توپىراعى قازاقستاندى اڭساۋمەن ءوتتى، تەك ارەدىك كۇرسىنگەن ساتتەرىندە اتتەڭ دەگەن سوزىنەن سوڭ ۇزاق ءۇنسىز قالاتىن. 40 جىلعى اق ۇرعان جۇرەك اقىرى السىزدىك تانىتتىدا ۇنسىزدىك ماڭگىگە جالعاستى. 1992-جىلى 24-اقپاندا دۇنيەدەن وزدى. اكە جانىڭىز جاناتا بولسىن!!!!
1962-جىل ەل قايتا قازاقستانعا قايتقاندا اكەممەن اتامىز مارۋا كەلە المادى. كسرو وكىمەتى 1983-جىلعا دەيىن ىزدەستىرىپ سۇراۋ سالۋدان جالىقپاعان بولاتىن.
بالالارىنا ءوز اتىن بەرۋدەن الاڭدادى، سەبەبى وتكەن ءومىردىڭ ءبىر كەلەڭسىز كەسىرى ءتيىپ كەتەمە دەپ تەك ازان شاقىرىپ قويعان ءوز اتىمىزبەن قالۋعا ءماجبۇر بولدىق. بۇل دا ءبىر ءومىردىڭ بىزگە سالعان سىناعى بولار، ۋاقىت وسىلايشا ءوز تالداۋىن جاسادى.
اكەمنىڭ اماناتىن ارقالاپ مەن ەگەمەن العان قازاقستانعا 2000-جىلى اتتانىپ كەتتىم. ەندىگى ۋاقىتتىڭ كەزەگىندە قازاق ەلىنە قولىمنان كەلگەنشە ۇلەسىمدى قوسىپ ۇرپاقتارىمدى وسى ەلدىڭ توپىراعىندا ءوسىرۋ.
ماقالاعا قاراجات سايلاۋ قورىنان تولەندى
