قحپ اتىراۋ وبلىستىق فيليالىنىڭ توراعاسى، پارلامەنت ماجىلىسىنە كانديدات بالجان دوسمۇحامبەتوۆا قالالىق پەرزەنتحانا ۇجىمىمەن كەزدەستى.
الدىمەن سپيكەر بالجان دوسمۇحامبەتوۆا پەرزەنتحانا دارىگەرلەرىنە پارتيانىڭ سايلاۋالدى باعدارلاماسىن تانىستىردى.
– جاڭا قازاقستانعا – جالدامالى قىزمەتكەرلەردىڭ الەۋمەتتىك جانە ەڭبەك قۇقىعىن تيىسىنشە قورعايتىن جاڭا ەڭبەك كودەكسى قاجەت. حالىق پارتياسى ءاربىر قازاقستاندىقتىڭ مەديتسيناعا، بىلىمگە قول جەتىمدىلىگى بار، ونىڭ قۇقىعى تولىق قورعالاتىن ءادىل قازاقستاندى قالايدى. دەنساۋلىق سالاسىنا ءمامس ەنگىزۋ ءۇمىتتى اقتامادى. ەلىمىزدىڭ كوپ تۇرعىنى جاپپاي «Damumed»-كە تىركەلۋ مەن دارىگەردىڭ قابىلداۋىنا جازىلۋ مۇمكىن ەمەس دەپ شاعىمدانۋدا، – دەدى بالجان دوسمۇحامبەتوۆا.
سونداي-اق قابىلدانىپ جاتقان شارالار مەن زاڭدارعا قاراماستان، ەلىمىزدەگى دارىگەرلەردىڭ جالاقىسىن كوبەيتىپ، الەۋمەتتىك مارتەبەسىن قورعاۋدى قاجەت ەتىپ وتىرعانىن تىلگە تيەك ەتتى.
– ءبىز وسى ءبىلىم مەن دەنساۋلىق سالاسىنا ينۆەستيتسيا قۇيىپ، جالاقىنى ەسەپتەۋدى تۇبەگەيلى قايتا قاراۋدى ۇسىنامىز. ويتكەنى، بيۋدجەتتىك سالادا ءالى كۇنگە دەيىن ەسەپتەۋ ءتاريفى بۇرىنعى جۇيەمەن تۇر. بازالىق جالاقى 10 جىلدان استام ۋاقىت بويى وزگەرمەگەن، – دەدى ول.
كەيىننەن سپيكەر ءبىلىم سالاسىنداعى قوردالانعان ماسەلەلەرگە توقتالىپ ءوتتى.
"ادىرنا" ۇلتتىق پورتالى
