Aty ma famılııasy ma degen suraqtar áleýmettik jelide tolastamady.
Men 1970-jyly 25-mamyrda Qytaı Halyq Respýlıkasynyń Sháýeshek aımaǵynyń Shıhý qalasynda dúnıege keldim, kópbalaly otbasynda 12 aǵaıyndy. Ata-anamyz memleket qyzmetinde bolǵandyqtan bir-birimizdi qaraılap júrip erjettik. Mamandyǵym zańger. Zań salasyn tańdaýymnyń úlken sebepteri de boldy, otbasymyzda zań qyzmetinde 8 adam jumys jasaǵan soń, bizge osy mamandyq atadan mura bolyp qalǵandaı sezimde bolatynbyz.
Ákem Sydyq Qajybek Márýauly Semeı oblysy Aqsýat óńiriniń týmasy, aqtaban shubyryndy el qashqash zamanda el basyna kún týyp asharshylyq bolyp jatqan sol zamannyń qasireti kishkentaı bala Qajibektide esirkeı qoımapty. Endi ǵana buǵanasy qatqan 15 jastaǵy bala, taǵdyrdyń tálkegine kónbeske sharasyz meniń Ákem Qajibek.
El basyna kún týǵan zaman, Aqsýat óńiriniń atqa miner azamattaryn jınap atamyz Marýa Ákesi Sydyq eldi bastap aýyldy aman alyp qalýdyń jalǵyz amaly Qytaıǵa jer aýdarý dep sheship, búkil aýyldy bastap Qytaıǵa betteıdi.
Qazaq shekarasynan Qytaı shekarasy arasyn bólip týrǵan Másálim taýyna jetkende arttarynan qýyp qalyń Orys saldaty ókshelep qýyp jetkende, amalsyzdan elin saqtap qalýǵa ózderi jasaqtaǵan aýyl azamattarymen birge uly atamyz Sydyq jazym bolypty. Aqsýat aýylynyń eli aman-esen Másálim taýynan asyp úlgirgen eken, jol-jónekeı anasynan aırylyp bala Qajibektiń ózegi qars órtenip toqtamaı azaptanyp jylaǵanyn, Qazaq taǵdyrynyń adam tózgisiz qasiretin, estip ósken meniń armanym Qazaqstan topyraǵyna kelip Ákemniń týǵan topyraǵynda quran baǵyshtaý boldy. Býl Ákemnińde armany bolatyn, biraq taǵdyr Ákemniń eline oralýyna múmkindik bermedi.
Ákem 40 jyl boıy týǵan topyraǵy Qazaqstandy ańsaýmen ótti, tek áredik kúrsingen sátterinde átteń degen sózinen soń uzaq únsiz qalatyn. 40 jylǵy aq urǵan júrek aqyry álsizdik tanyttyda únsizdik máńgige jalǵasty. 1992-jyly 24-aqpanda dúnıeden ozdy. Áke janyńyz janata bolsyn!!!!
1962-jyl el qaıta Qazaqstanǵa qaıtqanda Ákemmen atamyz Marýa kele almady. KSRO ókimeti 1983-jylǵa deıin izdestirip suraý salýdan jalyqpaǵan bolatyn.
Balalaryna óz atyn berýden alańdady, sebebi ótken ómirdiń bir keleńsiz kesiri tıip keteme dep tek azan shaqyryp qoıǵan óz atymyzben qalýǵa májbúr boldyq. Bul da bir ómirdiń bizge salǵan synaǵy bolar, ýaqyt osylaısha óz taldaýyn jasady.
Ákemniń amanatyn arqalap men Egemen alǵan Qazaqstanǵa 2000-jyly attanyp kettim. Endigi ýaqyttyń kezeginde Qazaq eline qolymnan kelgenshe úlesimdi qosyp urpaqtarymdy osy eldiń topyraǵynda ósirý.
Maqalaǵa qarajat saılaý qorynan tólendi
