Aty ma familiiasy ma degen sūraqtar äleumettık jelıde tolastamady.
Men 1970-jyly 25-mamyrda Qytai Halyq Respulikasynyŋ Şäueşek aimaǧynyŋ Şihu qalasynda düniege keldım, köpbalaly otbasynda 12 aǧaiyndy. Ata-anamyz memleket qyzmetınde bolǧandyqtan bır-bırımızdı qarailap jürıp erjettık. Mamandyǧym zaŋger. Zaŋ salasyn taŋdauymnyŋ ülken sebepterı de boldy, otbasymyzda zaŋ qyzmetınde 8 adam jūmys jasaǧan soŋ, bızge osy mamandyq atadan mūra bolyp qalǧandai sezımde bolatynbyz.
Äkem Sydyq Qajybek Märuaūly Semei oblysy Aqsuat öŋırınıŋ tumasy, aqtaban şūbyryndy el qaşqaş zamanda el basyna kün tuyp aşarşylyq bolyp jatqan sol zamannyŋ qasıretı kışkentai bala Qajıbektıde esırkei qoimapty. Endı ǧana būǧanasy qatqan 15 jastaǧy bala, taǧdyrdyŋ tälkegıne könbeske şarasyz menıŋ Äkem Qajıbek.
El basyna kün tuǧan zaman, Aqsuat öŋırınıŋ atqa mıner azamattaryn jinap atamyz Marua Äkesı Sydyq eldı bastap auyldy aman alyp qaludyŋ jalǧyz amaly Qytaiǧa jer audaru dep şeşıp, bükıl auyldy bastap Qytaiǧa betteidı.
Qazaq şekarasynan Qytai şekarasy arasyn bölıp turǧan Mäsälım tauyna jetkende arttarynan quyp qalyŋ Orys saldaty ökşelep quyp jetkende, amalsyzdan elın saqtap qaluǧa özderı jasaqtaǧan auyl azamattarymen bırge ūly atamyz Sydyq jazym bolypty. Aqsuat auylynyŋ elı aman-esen Mäsälım tauynan asyp ülgırgen eken, jol-jönekei anasynan airylyp bala Qajıbektıŋ özegı qars örtenıp toqtamai azaptanyp jylaǧanyn, Qazaq taǧdyrynyŋ adam tözgısız qasıretın, estıp ösken menıŋ armanym Qazaqstan topyraǧyna kelıp Äkemnıŋ tuǧan topyraǧynda qūran baǧyştau boldy. Bul Äkemnıŋde armany bolatyn, bıraq taǧdyr Äkemnıŋ elıne oraluyna mümkındık bermedı.
Äkem 40 jyl boiy tuǧan topyraǧy Qazaqstandy aŋsaumen öttı, tek äredık kürsıngen sätterınde ätteŋ degen sözınen soŋ ūzaq ünsız qalatyn. 40 jylǧy aq ūrǧan jürek aqyry älsızdık tanyttyda ünsızdık mäŋgıge jalǧasty. 1992-jyly 24-aqpanda dünieden ozdy. Äke janyŋyz janata bolsyn!!!!
1962-jyl el qaita Qazaqstanǧa qaitqanda Äkemmen atamyz Marua kele almady. KSRO ökımetı 1983-jylǧa deiın ızdestırıp sūrau saludan jalyqpaǧan bolatyn.
Balalaryna öz atyn beruden alaŋdady, sebebı ötken ömırdıŋ bır keleŋsız kesırı tiıp keteme dep tek azan şaqyryp qoiǧan öz atymyzben qaluǧa mäjbür boldyq. Būl da bır ömırdıŋ bızge salǧan synaǧy bolar, uaqyt osylaişa öz taldauyn jasady.
Äkemnıŋ amanatyn arqalap men Egemen alǧan Qazaqstanǧa 2000-jyly attanyp kettım. Endıgı uaqyttyŋ kezegınde Qazaq elıne qolymnan kelgenşe ülesımdı qosyp ūrpaqtarymdy osy eldıŋ topyraǧynda ösıru.
Maqalaǧa qarajat sailau qorynan tölendı
