Respublica پارتياسى سايلاۋالدى تۋرىن جالعاستىرۋدا، ءدال قازىر ءبىر مەزگىلدە قازاقستاننىڭ ەكى ايماعىندا – قوستاناي جانە اقتوبە وبلىستارىندا سايلاۋشىلارمەن كەزدەسۋلەر ءوتىپ جاتىر.
ساپاردىڭ ءبىرىنشى كۇنى قوستاناي وبلىسىندا حالىقپەن كەڭ اۋقىمدا كەزدەسۋ ءوتىپ، وعان 1000-نان استام ادام قاتىستى. ەكىنشى كۇنى پارتيالىقتار وسى وبلىس پەن ەلىمىزدىڭ اگروونەركاسىپ كەشەنىن دامىتۋعا ۇلەس قوسىپ، قازاقستاننىڭ ازىق-تۇلىك قاۋىپسىزدىگىن قامتاماسىز ەتۋمەن دە اينالىسىپ جۇرگەن ەڭبەك ۇجىمدارىمەن دە ديدارلاستى.
اتاپ ايتقاندا، ءبىزدىڭ ۇجىم «ميلح» جشس-نەن ساپالى ءسۇت شىعاراتىن كاسىپورىنعا، «سارىارقااۆتوپروم» اۆتوموبيل قۇراستىرۋ كاسىپورنىنا جانە «بايان-سۇلۋ» جشس كونديتەرلىك فابريكاسىنا باردى. پارتيا وكىلدەرىمەن كەزدەسۋگە وسى كاسىپورىنداردىڭ 300-گە جۋىق قىزمەتكەرى قاتىستى.
قوستاناي وبلىسىنداعى بەلگىلى «بايان-سۇلۋ» كونديتەرلىك فابريكاسىنىڭ ەڭبەك ۇجىمىمەن كەزدەسۋ بارىسىندا پارتيانىڭ تەڭ توراعاسى، قر پارلامەنتى ءماجىلىسىنىڭ دەپۋتاتتىعىنا كانديدات دينارا شۇكىجانوۆا داۋىس بەرۋگە ءاربىر سانالى ازامات قاتىسۋى ءتيىس ەكەنىن اتاپ ءوتتى.
«قازاقستاننىڭ ءاربىر ازاماتى داۋىس بەرۋگە قۇقىلى، جانە مۇنى نازاردان تىس قالدىرۋعا بولمايدى! داۋىس بەرۋ كۇنى ءبىز تەك سايلاۋ ۋچاسكەسىنە بارىپ قانا قويماي، جاڭا ساياسي كۇشتىڭ قالىپتاسۋىنا جانە وزگەرىستەر ۇدەرىسىنىڭ ىسكە قوسىلۋىنا ىقپال ەتەمىز»، - دەپ اتاپ ءوتتى شۇكىجانوۆا.
بارلىق پاتريوتتاردى ەلىمىزدىڭ بولاشاعى الاڭداتادى. سوندىقتان، دينارا شۇكىجانوۆانىڭ ايتۋىنشا، سايلاۋ بيۋللەتەنىن تولتىرۋ – ءار وتانداسىمىزدىڭ ازاماتتىق قوعامنىڭ تولىققاندى وكىلى ەكەنىن ءبىلدىرۋى جانە ويلاستىرىلعان تاڭداۋ جاساعانىن ىسكە اسىرۋى.
ءوز كەزەگىندە كومپانيانىڭ جەتەكشى ايەلدەرىنىڭ ءبىرى الداعى سايلاۋدا قانداي پارتيانى قولداۋعا لايىقتى دەپ سانايتىنىن ايتتى.
سونىمەن قاتار، اقتوبەدە Respublica پارتياسىنىڭ مۇشەلەرى مەن قر پارلامەنتى ءماجىلىسىنىڭ دەپۋتاتتىعىنا كانديداتتار جاستارمەن، اقتوبە وبلىسىنىڭ سپورتشىلارىمەن جانە قوعامدىق پىكىر كوشباسشىلارىمەن كەزدەسۋلەر وتكىزدى.
ايتا كەتەرلىگى، Respublica پارتياسىنىڭ سايلاۋالدى تۋرى بارىسىندا پارتيا مۇشەلەرى قازاقستاننىڭ بارلىق وڭىرلەرىنە بارىپ، قازاقستاندىقتاردىڭ وزەكتى ماسەلەلەرىن ەگجەي-تەگجەيلى تالقىلايدى. قوستاناي وبلىسىندا سوڭعى كۇندەرى پارتيا قاتارىنا كىرۋگە 15 مىڭنان استام ادام ءوتىنىش ءبىلدىردى.
"ادىرنا" ۇلتتىق پورتالى
