Respublica partııasy Qazaqstannyń eki oblysynda birden jıyn ótkizýde

1924
Adyrna.kz Telegram

Respublica partııasy saılaýaldy týryn jalǵastyrýda, dál qazir bir mezgilde Qazaqstannyń eki aımaǵynda – Qostanaı jáne Aqtóbe oblystarynda saılaýshylarmen kezdesýler ótip jatyr.

Sapardyń birinshi kúni Qostanaı oblysynda halyqpen keń aýqymda kezdesý ótip, oǵan 1000-nan astam adam qatysty. Ekinshi kúni partııalyqtar osy oblys pen elimizdiń agroónerkásip keshenin damytýǵa úles qosyp, Qazaqstannyń azyq-túlik qaýipsizdigin qamtamasyz etýmen de aınalysyp júrgen eńbek ujymdarymen de dıdarlasty.

Atap aıtqanda, bizdiń ujym «MILH» JShS-nen sapaly sút shyǵaratyn kásiporynǵa, «SaryarqaAvtoProm» avtomobıl qurastyrý kásipornyna jáne «Baıan-Sulý» JShS kondıterlik fabrıkasyna bardy. Partııa ókilderimen kezdesýge  osy kásiporyndardyń 300-ge jýyq qyzmetkeri qatysty.

Qostanaı oblysyndaǵy belgili «Baıan-Sulý» kondıterlik fabrıkasynyń eńbek ujymymen kezdesý barysynda partııanyń teń tóraǵasy, QR Parlamenti Májilisiniń depýtattyǵyna kandıdat Dınara Shúkijanova daýys berýge árbir sanaly azamat qatysýy tıis ekenin atap ótti.

«Qazaqstannyń árbir azamaty daýys berýge quqyly, jáne muny nazardan tys qaldyrýǵa bolmaıdy! Daýys berý kúni biz tek saılaý ýchaskesine baryp qana qoımaı, jańa saıası kúshtiń qalyptasýyna jáne ózgerister úderisiniń iske qosylýyna yqpal etemiz», - dep atap ótti Shúkijanova.

Barlyq patrıottardy elimizdiń bolashaǵy alańdatady. Sondyqtan, Dınara Shúkijanovanyń aıtýynsha, saılaý bıýlletenin toltyrý – ár otandasymyzdyń azamattyq qoǵamnyń tolyqqandy ókili ekenin bildirýi jáne oılastyrylǵan tańdaý jasaǵanyn iske asyrýy.

Óz kezeginde kompanııanyń jetekshi áıelderiniń biri aldaǵy saılaýda qandaı partııany qoldaýǵa laıyqty dep sanaıtynyn aıtty.

Sonymen qatar, Aqtóbede Respublica partııasynyń músheleri men QR Parlamenti Májilisiniń depýtattyǵyna kandıdattar jastarmen, Aqtóbe oblysynyń sportshylarymen jáne qoǵamdyq pikir kóshbasshylarymen kezdesýler ótkizdi.

Aıta keterligi, Respublica partııasynyń  saılaýaldy týry barysynda partııa músheleri Qazaqstannyń barlyq óńirlerine baryp, qazaqstandyqtardyń  ózekti máselelerin egjeı-tegjeıli talqylaıdy.  Qostanaı oblysynda sońǵy kúnderi partııa qataryna kirýge 15 myńnan astam  adam ótinish bildirdi.

"Adyrna" ulttyq portaly 

Pikirler