اتىراۋدا توتەنشە جاعدايلار مينيسترلىگىنىڭ جوعارى لاۋازىمدى قىزمەتكەرى ۇستالدى. بۇل تۋرالى وڭىرلىك “اق جايىق” باسىلىمى حابارلادى، دەپ جازادى “ادىرنا” ۇلتتىق پورتالى.
10 اقپاندا پارا الدى دەگەن كۇدىكپەن قر تجم اتىراۋ وبلىسى بويىنشا ونەركاسىپتىك قاۋىپسىزدىك دەپارتامەنتىنىڭ باسشىسى ۇستالدى، قر قك 366-بابى ("پارا الۋ") بويىنشا سوتقا دەيىنگى تەرگەۋ امالدارى جۇرگىزىلۋدە.
باسىلىمنىڭ حابارلاۋىنشا، بۇل تۋرالى بريفينگتە جەرگىلىكتى سىبايلاس جەمقورلىققا قارسى قىزمەت باسشىسىنىڭ مىندەتىن ۋاقىتشا اتقارۋشى ەرۇلان سەرىكقاليەۆ مالىمدەدى.
سەرىكقاليەۆ بولجامدى پارا سوماسىن جاريالامادى. ونىڭ ايتۋىنشا، ۇستالعان ادامعا قاتىستى قاماۋعا الۋ تۇرىندەگى بۇلتارتپاۋ شاراسى كىناسىن مويىنداۋىنا بايلانىستى قولدانىلماعان، ال تولىعىراق اقپارات كەيىنىرەك بەرىلەتىن بولادى.
“ادىرنا” ۇلتتىق پورتالى
