2027 جىلعى فرانتسيا پرەزيدەنتى سايلاۋىنا قاتىساتىن «رەنەسسانس» پارتياسىنىڭ كانديداتى، بۇرىنعى پرەمەر-مينيستر گابريەل اتتال «ەۋروپا قۇراما شتاتتارىن» قۇرۋدى ۇسىندى، دەپ حابارلايدى “ادىرنا”.
انادولى دەرەگىنشە، اتتال 17 قىركۇيەكتە رەيمس قالاسىندا وتكەن سايلاۋالدى شارادا ەۋروپالىق وداقتىڭ قازىرگى 27 مەملەكەتتەن تۇراتىن فورماتى ءوز مۇمكىندىكتەرىنىڭ شەگىنە جەتكەنىن مالىمدەدى. ونىڭ پىكىرىنشە، قازىرگى جۇيە اياسىندا ەۋروپالىق ينتەگراتسيانى ودان ءارى تەرەڭدەتۋ قيىن.
«مەنىڭ ۇرپاعىمنىڭ باستى مىندەتى — ەۋروپا تۋرالى ارماندى جۇزەگە اسىرىپ، ەۋروپانىڭ قۇراما شتاتتارىن قۇرۋ»، — دەدى ول.
ساياساتكەر بۇل باستاما ءبىرتۇتاس ەۋروپالىق مەملەكەت قۇرۋدى كوزدەمەيتىنىن اتاپ ءوتتى. ونىڭ ۇسىنىسىنا سايكەس، باستاپقى كەزەڭدە ەكونوميكالىق، تەحنولوگيالىق جانە ەكولوگيالىق باعىتتاردا ىنتىماقتاستىقتى تەرەڭدەتۋگە دايىن ەلدەردەن تۇراتىن «وزەك» قالىپتاستىرۋ قاراستىرىلادى.
اتتال بۇل باستامانى اقش، قىتاي جانە باسقا دا ءىرى دەرجاۆالارمەن باسەكەلەستىكتە ەۋروپانىڭ پوزيتسياسىن كۇشەيتۋ قاجەتتىلىگىمەن بايلانىستىردى.
فرانتسياداعى پرەزيدەنت سايلاۋى 2027 جىلى وتەدى.
