پرەزيدەنت قاسىم-جومارت توقاەۆ استانا اكىمى جەڭىس قاسىمبەك پەن ونىڭ كومانداسىنىڭ ەڭبەگىن اتاپ ءوتتى، دەپ حابارلايدى “ادىرنا”.
بۇل تۋرالى مەملەكەت باسشىسى ەلوردادا وتكەن «تازا قازاقستان» رەسپۋبليكالىق ەكولوگيالىق اكتسياسىنا قاتىسۋشىلارمەن كەزدەسۋدە ايتتى.
پرەزيدەنتتىڭ سوزىنشە، بۇگىندە قازاقستاندا اۋقىمدى رەفورمالار جۇزەگە اسىرىلىپ، الەۋمەتتىك ماڭىزى بار ينفراقۇرىلىم نىساندارى سالىنۋدا. ونىڭ ىشىندە مەكتەپتەر، اۋرۋحانالار، مادەنيەت جانە سپورت نىساندارى بار.
پرەزيدەنت توقاەۆ قۇرىلىس ساپاسىنا ەرەكشە نازار اۋدارۋ قاجەت ەكەنىن ايتىپ، بۇل ماسەلەنى جەكە باقىلاۋىندا ۇستايتىنىن جەتكىزدى. ونىڭ سوزىنشە، تالاپتار مەن بەلگىلەنگەن نورمالاردى بۇزعاندار زاڭعا سايكەس جاۋاپقا تارتىلۋى ءتيىس.
مەملەكەت باسشىسى استانانى قازاقستاننىڭ جەتىستىكتەرىن كورسەتەتىن ۇلگىلى قالا رەتىندە اتاپ ءوتتى.
«استانا كۇن سايىن كوركەيىپ كەلەدى. بۇل – قالا اكىمى جەڭىس ماحمۇدۇلى قاسىمبەكتىڭ جانە ونىڭ كومانداسىنىڭ تىنىمسىز ەڭبەگىنىڭ ناتيجەسى»، – دەدى پرەزيدەنت
