Atyrauda Tötenşe jaǧdailar ministrlıgınıŋ joǧary lauazymdy qyzmetkerı ūstaldy. Būl turaly öŋırlık “Aq jaiyq” basylymy habarlady, dep jazady “Adyrna” ūlttyq portaly.
10 aqpanda para aldy degen küdıkpen QR TJM Atyrau oblysy boiynşa önerkäsıptık qauıpsızdık departamentınıŋ basşysy ūstaldy, QR QK 366-baby ("Para alu") boiynşa sotqa deiıngı tergeu amaldary jürgızılude.
Basylymnyŋ habarlauynşa, būl turaly brifingte jergılıktı sybailas jemqorlyqqa qarsy qyzmet basşysynyŋ mındetın uaqytşa atqaruşy Erūlan Serıkqaliev mälımdedı.
Serıkqaliev boljamdy para somasyn jariialamady. Onyŋ aituynşa, ūstalǧan adamǧa qatysty qamauǧa alu türındegı būltartpau şarasy kınäsın moiyndauyna bailanysty qoldanylmaǧan, al tolyǧyraq aqparat keiınırek berıletın bolady.
“Adyrna” ūlttyq portaly
