مەملەكەت باسشىسى قاسىم-جومارت توقاەۆ تۇركيا پرەزيدەنتى رەجەپ تايىپ ەردوعانعا كوڭىل ايتۋ جەدەلحاتىن جولدادى، دەپ حابارلايدى “ادىرنا” ۇلتتىق پورتالى.
پرەزيدەنت تۇركياعا جەر سىلكىنىسى سالدارىنان قۇربان بولعاندارعا بايلانىستى كوڭىل ايتىپ، قازاقستاننىڭ تۇركياعا كومەك كورسەتۋگە دايىن ەكەنىن مالىمدەدى.
"تۇركيادا بولعان كۇشتى جەر سىلكىنىسى سالدارىنا كوپتەگەن ادامداردىڭ قازا تاپقانى تۋرالى حاباردى ەستىگەنىمدە قاتتى قايعىردىم. وسى قيىن ساتتە قازاقستان حالقىنان جانە وز اتىمنان قازا بولعانداردىڭ وتباسىلارىنا، سونداي-اق بۇكىل باۋىرلاس تۇرىك حالقىنا كوڭىل ايتامىن", - دەلىنگەن جەدەلحاتتا.
سوڭعى مالىمەتتەر بويىنشا جەر سىلكىنىسىنەن قازا تاپقاندار سانى 284 ادامعا جەتكەن. ال زارداپ شەككەندەر تۋرالى دەرەكتەر ءالى جاڭارتىلۋدا.
تابيعي اپاتتان تۇركيانىڭ ورتالىق جانە وڭتۇستىك-شىعىسىنداعى 10 پروۆينتسياسى، سونىڭ ىشىندە گازيانتەپ، مالاتيا، كاحرامانماراش، اديامان، ديارباكىر پروۆينتسيالارى ەڭ كوپ زارداپ شەككەن. ءۇيىندى استىنان ادامدار شىعارىلۋدا. ال تاريحي گازيانتەپ بەكىنىسى قيراپ قالدى.
