تاراز قالاسىندا تەمىرجولشىلار باس كوتەردى. انىعىن ايتقاندا، "قامقور لوكوموتيۆ" كومپانياسىنىڭ قىزمەتكەرلەرى جالاقىنى كوتەرۋدى تالاپ ەتىپ، ەرەۋىلگە شىقتى. ولار بار بولعانى 70 مىڭ مەن 120 مىڭ تەڭگەگە ارالىعىنداعى جالاقىعا كۇن كورىپ وتىر. تۇرمىستىڭ تابى قىسقان تەمىرجولشىلاردىڭ ايتار ءۋاجى كوپ. بۇل جايىندا "ادىرنا"ۇلتتىق پورتالى "Qaz365.kz"-كە سىلتەمە كورسەتە وتىرىپ حابارلايدى.
قازاقستانداعى ەڭ ءىرى "قامقور لوكوموتيۆ" قۇرال-جابدىقتار جوندەۋ كاسىپورنىنىڭ 200-گە جۋىق قىزمەتكەرى بۇگىن تاڭەرتەڭ ەرەۋىلگە شىقتى. ولاردىڭ الىپ وتىرعان جالاقىلارى مۇلدە ماردىمسىز. باسشىلىقتان ەڭبەك ءوتىۋىن ەسكەرىپ، جالاقىنى كوتەرۋدى تالاپ ەتتى. قىزمەتكەرلەر قويعان تالاپتاردى ورىندالمايىنشا جۇمىسقا شىقپايتىنىن جەتكىزدى. ولاردىڭ ايتۋىنشا، قازىرگى جالاقى بار بولعانى 70 مىڭنان 120 مىڭ تەڭگەگە دەيىنگى ارالىقتا.
«جىگىتتەر! «قامقور لوكوماتيۆ» تەك قانا ءبىزدىڭ تارازدا عانا ەمەس، ونىڭ فيلالدارى بۇكىل قازاقستادا بار. وسىندا جۇمىس ىستەگەن جىگىتتەر بريگادا قۇرىپ، قازىر پەتروپاۆلدا جۇمىس ىستەپ ءجۇر. بارىپ كەلۋ بيلەتى مەن جاتاتىن ورنى جانە تاماعىن دەپو تولەيدى. سونداي-اق ولاردىڭ جالاقىلارى 350-400 مىڭ تەڭگە ارالىعىندا. ءبىزدىڭ سولاردان قاي جەرىمىز كەم، جىگىتتەر! ءبىزدىڭ ايتىپ وتىرعانىمىز جالاقىنى كوتەرۋ. ماسەلەن مەن 5 رازريادتى سلەسار رەتىندە ايىنا 380 مى ەمەس، 350 مىڭ تەڭگە الايىنشى مەن مىنا جەردە قونىپ تۇرىپ جۇمىس ىستەيمىن. ەكى اپتا بۇرىن شۋعا بارعاندا جۇمىسشىلاردان «ايلىقتارىڭ قانشا؟» دەپ سۇرادىم. ءۇشىنشى رازريادتىڭ بالاسى «ايلىعىم 330 مىڭ تەڭگە»، ال 5 رازريادتىڭ بالاسى «380-400 مىڭ تەڭگە» دەپ جاۋاپ بەردى»، - دەدى جيىندا ءسوز سويلەگەن ازامات.
سونىمەن قاتار، جۇمىسشىلار كاسىپورىن ىشىندە جۇمىس اقىسىن بىرنەشە ەسە ارتتىرۋدى سۇراپ، ءوز ويلارىن ورتاعا سالدى. ەرەۋىلشىلەردىڭ ايتۋىنشا، جۇمىسشىلاردىڭ جالاقىسى باسقا كاسىپورىندار مەن فيليالدارداعى ارىپتەستەرىمەن سالىستىرۋعا كەلمەيدى. سونداي-اق، ولار وزدەرى جۇمىس ىستەۋ ءۇشىن كەيبىر تەحنيكانى ساتىپ الاتىن كورىنەدى.
ازىرگە جۇمىسشىلار قويعان تالاپقا ەكىنشى تاراپتان قانداي دا ءبىر جاۋاپ جوق.
''ادىرنا" ۇلتتىق پورتالى
