تۇركيانىڭ كولىك جانە ينفراقۇرىلىم ءمينيسترى ابدۋلكادير ۋرالوعلۋ 16 جاسقا تولماعان بالالارعا الەۋمەتتىك جەلىنى قولدانۋعا تولىقتاي تىيىم سالۋ جوسپارى تۋرالى مالىمدەدى، دەپ حابارلايدى "ادىرنا" ۇلتتىق پورتالى CNN TÜRK ارناسىنا سىلتەمە جاساپ.
ءمينيستردىڭ ايتۋىنشا، بالالار – ەڭ وسال توپ، سوندىقتان ولاردىڭ قاۋىپسىزدىگىنە ەرەكشە نازار اۋدارۋ قاجەت. تۇركيا بيلىگى 2024 جىلى وسىعان بايلانىستى جاڭا زاڭ قابىلداۋدى جوسپارلاپ وتىر.
"ارينە، ءبىز بالالارعا پايدالى ويىن ويناۋعا كەدەرگى جاساعىمىز كەلمەيدى. بىراق 16 جاسقا دەيىنگى بالالار الەۋمەتتىك جەلىلەردە اككاۋنت اشا المايتىن بولادى. كەيبىر ەلدەردە مۇنداي پلاتفورمالار اتا-انانىڭ رۇقساتىمەن قولجەتىمدى. ءبىز بۇل ءتاسىلدى دە قولدامايمىز. ءبىزدىڭ ماقساتىمىز – 16 جاسقا دەيىنگى بالالاردىڭ مۇلدە الەۋمەتتىك جەلى قولدانباۋىن قامتاماسىز ەتۋ", – دەدى ابدۋلكادير ۋرالوعلۋ.
