Memleket basshysy Qasym-Jomart Toqaev Túrkııa Prezıdenti Rejep Taıyp Erdoǵanǵa kóńil aıtý jedelhatyn joldady, dep habarlaıdy “Adyrna” ulttyq portaly.
Prezıdent Túrkııaǵa jer silkinisi saldarynan qurban bolǵandarǵa baılanysty kóńil aıtyp, Qazaqstannyń Túrkııaǵa kómek kórsetýge daıyn ekenin málimdedi.
"Túrkııada bolǵan kúshti jer silkinisi saldaryna kóptegen adamdardyń qaza tapqany týraly habardy estigenimde qatty qaıǵyrdym. Osy qıyn sátte Qazaqstan halqynan jáne óz atymnan qaza bolǵandardyń otbasylaryna, sondaı-aq búkil baýyrlas túrik halqyna kóńil aıtamyn", - delingen jedelhatta.
Sońǵy málimetter boıynsha jer silkinisinen qaza tapqandar sany 284 adamǵa jetken. Al zardap shekkender týraly derekter áli jańartylýda.
Tabıǵı apattan Túrkııanyń ortalyq jáne ońtústik-shyǵysyndaǵy 10 provınııasy, sonyń ishinde Gazıantep, Malatııa, Kahramanmarash, Adııaman, Dııarbakyr provınııalary eń kóp zardap shekken. Úıindi astynan adamdar shyǵarylýda. Al tarıhı Gazıantep bekinisi qırap qaldy.
