مەملەكەت باسشىسىنىڭ وكىمىمەن سالاۋات سىيلىبايۇلى مۇكسىموۆ مەملەكەتتىك قىزمەت ىستەرى اگەنتتىگى توراعاسىنىڭ ورىنباسارى لاۋازىمىنا تاعايىندالدى. بۇل تۋرالى اقورداعا جاريالادى، دەپ حابارلايدى “ادىرنا” ۇلتتىق پورتالى.
سالاۋات سىيلىبايۇلى مۇكسىموۆ 1980 جىلى دۇنيەگە كەلگەن. قازاق مەملەكەتتىك زاڭ اكادەمياسىن، پرەزيدەنت جانىنداعى مەملەكەتتىك باسقارۋ اكادەمياسىن بىتىرگەن. «مەملەكەتتىك جانە جەرگىلىكتى باسقارۋ» ءپروفيلى بويىنشا PhD دوكتورى.
ەڭبەك جولىن 2001 جىلدان باستاعان.
2001-2005 جىلدارى – ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ وقىتۋشىسى;
2005-2013 جىلدارى سەنات اپپاراتىندا قىزمەت اتقارعان;
2013-2014 جىلدارى – «سولتۇستىك قازاقستان وبلىسى ىشكى ساياسات باسقارماسى» مم-ءنىڭ باسشىسى;
2015-2016 جىلدار ارالىعىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىندە ءتۇرلى لاۋازىمداردى اتقارعان.
2016 جىلدىڭ قىركۇيەگىنەن باستاپ 2018 جىلدىڭ مامىرىنا دەيىن مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى سىبايلاس جەمقورلىققا قارسى ساياسات دەپارتامەنتىنىڭ ديرەكتورى بولدى.
2018 جىلدىڭ مامىر ايىنان باستاپ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قوستاناي وبلىسى بويىنشا دەپارتامەنت باسشىسى، ادەپ جونىندەگى كەڭەسىنىڭ توراعاسى;
2019 جىلعى تامىز، 2020 جىلعى اقپان ايلارىندا مەملەكەتتىك قىزمەت ىستەرى اگەنتتىگىنىڭ قوستاناي وبلىسى بويىنشا دەپارتامەنت باسشىسى، ادەپ جونىندەگى كەڭەسىنىڭ توراعاسى;
2020 جىلدىڭ اقپانى، 2021 جىلدىڭ مامىرىندا مەملەكەتتىك قىزمەت ىستەرى اگەنتتىگىنىڭ اتىراۋ وبلىسى بويىنشا دەپارتامەنت باسشىسى، ادەپ جونىندەگى كەڭەسىنىڭ توراعاسى قىزمەتتەرىن اتقارعان.
بۇعان دەيىن مەملەكەتتىك قىزمەت ىستەرى اگەنتتىگىنىڭ مەملەكەتتىك اپپاراتتى بيۋروكراتيادان ارىلتۋ، مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ دەپارتامەنتىنىڭ ديرەكتورى بولدى.
