Memleket basshysynyń ókimimen Salaýat Syılybaıuly Múksimov Memlekettik qyzmet isteri agenttigi tóraǵasynyń orynbasary laýazymyna taǵaıyndaldy. Bul týraly Aqordaǵa jarııalady, dep habarlaıdy “Adyrna” ulttyq portaly.
Salaýat Syılybaıuly Múksimov 1980 jyly dúnıege kelgen. Qazaq memlekettik zań akademııasyn, Prezıdent janyndaǵy Memlekettik basqarý akademııasyn bitirgen. «Memlekettik jáne jergilikti basqarý» profıli boıynsha PhD doktory.
Eńbek jolyn 2001 jyldan bastaǵan.
2001-2005 jyldary – L.N. Gýmılev atyndaǵy Eýrazııa ulttyq ýnıversıtetiniń oqytýshysy;
2005-2013 jyldary Senat apparatynda qyzmet atqarǵan;
2013-2014 jyldary – «Soltústik Qazaqstan oblysy Ishki saıasat basqarmasy» MM-niń basshysy;
2015-2016 jyldar aralyǵynda Memlekettik qyzmet isteri jáne sybaılas jemqorlyqqa qarsy is-qımyl agenttiginde túrli laýazymdardy atqarǵan.
2016 jyldyń qyrkúıeginen bastap 2018 jyldyń mamyryna deıin Memlekettik qyzmet isteri jáne sybaılas jemqorlyqqa qarsy is-qımyl agenttigi Sybaılas jemqorlyqqa qarsy saıasat departamentiniń dırektory boldy.
2018 jyldyń mamyr aıynan bastap Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qostanaı oblysy boıynsha departament basshysy, Ádep jónindegi keńesiniń tóraǵasy;
2019 jylǵy tamyz, 2020 jylǵy aqpan aılarynda Memlekettik qyzmet isteri agenttiginiń Qostanaı oblysy boıynsha departament basshysy, Ádep jónindegi keńesiniń tóraǵasy;
2020 jyldyń aqpany, 2021 jyldyń mamyrynda Memlekettik qyzmet isteri agenttiginiń Atyraý oblysy boıynsha departament basshysy, Ádep jónindegi keńesiniń tóraǵasy qyzmetterin atqarǵan.
Buǵan deıin Memlekettik qyzmet isteri agenttiginiń Memlekettik apparatty bıýrokratııadan aryltý, memlekettik qyzmetter kórsetý sapasyn baǵalaý jáne baqylaý departamentiniń dırektory boldy.
