ناۋرىز مەرەكەسى قارساڭىندا قازاقستان رەسپۋبليكاسى پرەزيدەنتىنىڭ جارلىعىمەن ەلدىڭ الەۋمەتتىك-ەكونوميكالىق جانە مادەني دامۋىنا قوسقان ەلەۋلى ۇلەسى، بەلسەندى قوعامدىق قىزمەتى، ازاماتتاردى قورعاۋدا جانە قۇتقارۋدا كورسەتكەن جەكە جانقيارلىعى، قوعامدىق ءتارتىپتى قامتاماسىز ەتۋگە كورسەتكەن كومەگى ءۇشىن ەلىمىزدىڭ ءبىر توپ ازاماتتارى مەملەكەتتىك ناگرادالارمەن ماراپاتتالدى. بۇل تۋرالى “ادىرنا” ۇلتتىق پورتالى اقوردانىڭ رەسمي سايتىنا سىلتەمە جاساپ حابارلايدى.
ناگرادا بەرىلگەندەردىڭ قاتارىندا ءوندىرىس، دەنساۋلىق ساقتاۋ سالالارىنىڭ قىزمەتكەرلەرى، بيزنەس وكىلدەرى، مادەنيەت جانە عىلىم قايراتكەرلەرى، سپورتشىلار، ۆولونتەرلەر بار.
«قازاقستاننىڭ ەڭبەك ەرى» اتاعى قازاقستان رەسپۋبليكاسىنىڭ الەۋمەتتىك-گۋمانيتارلىق دامۋىنداعى اسا ۇزدىك جەتىستىكتەرى ءۇشىن جازۋشى يليا جاقانوۆقا، ەلىمىزدىڭ دەنساۋلىق ساقتاۋ سالاسىن دامىتۋداعى اسا ۇزدىك جەتىستىكتەرى ءۇشىن قازاق تاعامتانۋ اكادەمياسىنىڭ پرەزيدەنتى تورەگەلدى شارمانوۆقا بەرىلدى.
«وتان» وردەنىمەن اقىن نۇرجان سۆەتقالي; ءى دارەجەلى «بارىس» وردەنىمەن ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى جانداربەك مالىبەكۇلى، اقىن نۇرلان ورازالين; ءىىى دارەجەلى «بارىس» وردەنىمەن الماتى وبلىسى ارداگەرلەر كەڭەسىنىڭ توراعاسى ەرمەك كەلەمسەيىت، الماتى قالاسى قازاقستان حالقى اسسامبلەياسى قوعامدىق كەلىسىم كەڭەسىنىڭ توراعاسى احمەتجان شاردينوۆ، كۇرەس فەدەراتسياسىنىڭ پرەزيدەنتى داۋلەت تۇرلىحانوۆ، ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى جانسەيىت تۇيمەباەۆ، ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى ديحان قامزابەكۇلى، الماتى وبلىسى اكىمىنىڭ ءبىرىنشى ورىنباسارى ءلاززات تۇرلاشوۆ جانە باسقالار ناگرادتالدى.
«پاراسات» وردەنىمەن مادەنيەت، عىلىم جانە ءبىلىم قايراتكەرلەرى، بۇقارالىق اقپارات قۇرالدارىنىڭ وكىلدەرى ماراپاتتالدى. ولاردىڭ قاتارىندا ۇلتتىق عىلىم اكادەمياسىنىڭ مۇشەسى كارىمبەك كۇرماناليەۆ، م.قوزىباەۆ اتىنداعى سولتۇستىك قازاقستان ۋنيۆەرسيتەتىنىڭ اعا وقىتۋشىسى پاۆەل افاناسەۆ، پارلامەنت ءماجىلىسىنىڭ دەپۋتاتتارى بەرىك ابدىعاليۇلى، ەدىل جاڭبىرشين بار.
سپورتتى دامىتۋ ديرەكتسياسى پاۋەرليفتينگ كومانداسىنىڭ جەتەكشىسى سەرگەي تسىرۋلنيكوۆ ءىى دارەجەلى «دوستىق» وردەنىمەن ماراپاتتالدى.
«قۇرمەت» وردەنىمەن ساياساتتانۋشى دانيار اشىمباەۆ، قولدانبالى ەتنوساياسي زەرتتەۋلەر ينستيتۋتىنىڭ ديرەكتورى تالعات قاليەۆ، ادام قۇقىقتارى ءۇشىن حارتيانىڭ اتقارۋشى ديرەكتورى جەمىس تۇرماعامبەتوۆا، تاراز قالالىق كوپبەيىندى اۋرۋحاناسىنىڭ ءبولىم مەڭگەرۋشىسى ەرنار ەدىلباەۆ، بەلسەندى ورىنباسار سەيىتوۆ، «مير ەۆرازي» قورىنىڭ پرەزيدەنتى ەدۋارد پولەتاەۆ، شىمكەنت قالاسى اۋعان سوعىسى ارداگەرلەرى وداعىنىڭ توراعاسى عالىمجان مايحانوۆ، قوعام قايراتكەرى داۋرەن ءتالىپوۆ، جىرشى ارعىن بيسەنوۆ، ق.وسپانوۆ اتىنداعى №1 بالالار-جاسوسپىرىمدەر سپورت مەكتەبىنىڭ باسشىسى نۇرجان ەرماعامبەتوۆ، الماتى قالالىق №7 كلينيكالىق اۋرۋحاناسىنىڭ ءبولىم مەڭگەرۋشىسى ەسەناي ەسپەنبەتوۆ ناگرادتالدى. «قۇرمەت» وردەنىنە جالپى 94 ادام يە بولدى.
«ەرەن ەڭبەگى ءۇشىن» مەدالىمەن «ادىرنا» قورىنىڭ پرەزيدەنتى ارمان اۋباكىر، پاۆلودار وبلىسى اۋماقتىق كاسىپوداقتار بىرلەستىگىنىڭ ءباسپاسوز حاتشىسى كونستانتين مۋزالەۆسكي، قازاق ۇلتتىق ونەر ۋنيۆەرسيتەتىنىڭ اعا وقىتۋشىسى ۇلاربەك نۇرعالىم ماراپاتتالدى. وسى مەدالمەن بارلىعى 25 ادام ناگرادتالدى. «شاپاعات» مەدالىنە 68 ۆولونتەر، مەتسەنات جانە باسقا دا ازاماتتار يە بولدى. ولاردىڭ قاتارىندا جۋرناليست الەكساندرا مىسكينا، «ءۇمىت-نادەجدا» مۇگەدەكتەر ۇيىمىنىڭ توراعاسى دۇيسەنعالي وسپانوۆ، «وكەان» پيك جۇمىسكەرى ارلان مۇتىشەۆ، «Paybox.money» جشس دەپارتامەنت ديرەكتورى ماريا چەچينا، ر.بايسەيىتوۆ اتىنداعى سەمەي قارجى-ەكونوميكالىق كوللەدجىنىڭ ستۋدەنتى مەرەيبەك ماعابيلوۆ، «بوگاتىر-كومىر» جشس جول ماشينالارىن رەتتەۋشى ەۆگەني شاريفۋللين، ۆولونتەر ايگەرىم دوسقاليەۆا بار.
“ادىرنا” ۇلتتىق پورتالى
