استانا قالاسىندا قاڭتاردىڭ 30-شى جۇلدىزىندا ميتينگ ءوتتى. اكىمدىكتىڭ رۇقساتىمەن وتكەن قارسىلىق اكتسياسىنا جينالعان توپ ايەلدەرگە كورسەتىلەتىن زورلىق-زومبىلىق تاقىرىبىن كوتەردى، دەپ جازادى "ادىرنا" ۇلتتىق پورتالى.
ميتينگىگە ەلۋدەن اسا ادام جينالدى. ولاردىڭ قويعان تالاپتارى - تۇرمىستىق جانە جىنىستىق حارراسمەنت جاساعانداردىڭ جازاسىن اۋىرلاتىپ، زاڭمەن قۋدالاۋدى ەنگىزۋ، ايەل قۇقىعىنىڭ قورعالۋىن كۇشەيتۋ بولدى. قولدارىنا پلاكات ۇستاپ الاڭعا جينالعان نارازىلىق ءبىلدىرۋشى توپتىڭ باسىم كوپشىلىگىن ايەلدەر قۇرادى.
فوتو: tengrinews.kz
استانا اكىمدىگى 17:00-19:00 ۋاقىت ارالىعىندا وتكىزۋگە رۇقسات ەتكەن ميتينگىنى Myqty.women باستاماسىنىڭ وكىلدەرى ۇيىمداستىردى. شارا ءبىر ساعاتتىڭ كولەمىندەي ۋاقىتقا سوزىلدى. الەۋمەتتىك جەلىدە تاراعان ۆيدەولاردا جينالعان توپ ء“بىز زات ەمەسپىز، تىنىش ءومىر سۇرۋىمىزگە مۇمكىندىك بەرىڭدەر”، - دەپ ۇرانداتۋدا. ولاردىڭ ايتۋىنشا، ەلىمىزدە نازىك جاندىلاردىڭ قۇقىعى دۇرىس قورعالمايدى، وتە كوپ ايەلدەر تۇرمىستىق زورلىق-زومبىلىقتىڭ قۇربانى، بارلىعىنا كىنالى - زاڭسىزدىق.
فوتو: tengrinews.kz
ايتا كەتەيىك، قازاقستاندا تۇرمىستىق زورلىق-زومبىلىق زاڭى 2009 جىلى قابىلدانعان. ال، 2022 جىلى جۇمىس توبى تۇرمىستىق زورلىق-زومبىلىقتىڭ جازاسىن كۇشەيتەتىن زاڭ جوباسىن دايىنداعان بولاتىن. بىراق، بۇل وزگەرىستەر ءالى قابىلدانبادى.
"ادىرنا" ۇلتتىق پورتالى
