اقتوبەدە رەيسى كەيىنگە شەگەرىلىپ، اۋەجايدا قالعان جولاۋشىعا تاماق بەرمەگەن «Qazaq AIR اۋەكومپانياسىنا ايىپپۇل سالىندى، دەپ حابارلايدى «ادىرنا» ءتىلشىسى.
وقيعا وتكەن جىلى بولعان. «اقتوبە-استانا» باعىتىندا ۇشاتىن جولاۋشىلاردىڭ ءبىرى اۋە كومپانياسىنان تاماق پەن سۋسىن بەرۋدى سۇراعان، بىراق ونىڭ ءوتىنىشى ورىندالماعان. كەيىن ول قاداعالاۋشى مەملەكەتتىك مەكەمەگە ارىز جازعان. شاعىمدى اقتوبە قالالىق اكىمشىلىك قۇقىقبۇزۋشىلىق جونىندەگى مامانداندىرىلعان اۋدانارالىق سوتى قاراستىرىپ، «Qazaq AIR»-عا 612 مىڭ تەڭگە كولەمىندە ايىپپۇل تولەۋدى مىندەتتەدى.
سوت اۋەكومپانيالار تاۋلىكتىڭ كەز كەلگەن ۋاقىتىندا جولاۋشىلاردى قاجەتتى قىزمەت تۇرلەرىمەن تولىق قامتاماسىز ەتۋگە دايىن بولۋى كەرەكتىگىن اتاپ ءوتتى.
