ششۋچينسكىدەگى دارىندى بالالارعا ارنالعان "بالداۋرەن" لاگەرىندە 2008 جىلعى ەر بالا جۇمباق جاعدايدا كوز جۇمدى. بۇل تۋرالى جۋرناليست، بلوگەر وڭعار قابدەن Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
“اسكەردەگى ساربازداردىڭ ءولىمى ءبىتىپ، ەندى لاگەردەگى بالالار ءبىرىن ءبىرى ولتىرۋگە كوشتى مە؟
دەنساۋلىق ساقتاۋ مينيسترلىگى!
دارىگەرلەرىڭ نەگە بالا ءولىمىن جاسىرۋدا؟ ششۋچينسكىدەگى دارىندى بالالارعا ارنالعان "بالداۋرەن" لاگەرىندە 2008 جىلعى ەر بالا جۇمباق جاعدايدا كوز جۇمدى. اقتوبەنىڭ حرومتاۋىنان 9 قاڭتار كۇنى كەلگەن 14 جاسار نۇرداۋلەت ماناپ سول كۇنى تۇندە اناسىنا زۆونداعان. مەن قورقىپ جاتىرمىن، باسىم، ءىشىم اۋىرادى دەپ. اناسى قوي بالام، قايداعىنى ايتپا. ۆوجاتىيىڭدى تاۋىپ الىپ، سوعان ايت دەگەن. بالاسىمەن سوڭعى سويلەسۋى ەكەنىن قايدان ءبىلسىن؟ تاڭەرتەڭ ۇلىنىڭ قازاسىن ەستيدى.
اپكەسى فاريزانىڭ ايتۋىنشا، نۇرداۋلەت نامىسقوي بالا. ءوزى دومبىرا ۇيىرمەسىنە قاتىساتىن، ەشكىمدى بوقتامايتىن مادەنيەتتى بالا. سول نامىسقويلىعىنا باسىپ، ءوزىن ۇرعانىن دا ايتپاعان بولۋ كەرەك دەيدى.
تۇسكە دەيىن دارىگەرى باسقاشا، ۆوجاتىيى باسقاشا، ءۇشىنشى تاراپ باسقاشا ايتقانمەن، تۇستەن كەيىن ءبارى بىردەي سايرايدى. دارىگەرلەردىڭ قويعان دياگنوزى سۇمدىق. قاتەرلى ىسىك دەپتى. و زاماندا بۇ زامان ەكى ساعاتتا قاتەرلى ىسىك انىقتالىپ، ادام ءولىپ قالۋشى ما ەدى؟ كىمدى اقىماق كورىپ وتىر؟
ەكسپەرتيزاعا كىرگەن جەزدەسى ارقاسى مەن ءىشى كوگەرگەن. سوققىدان ىشەگى جارىلىپ، ىشىنە قان كەتۋى مۇمكىن دەيدى. دارىگەرلەر بولسا اۋىرعان كەزدە پانكراتين، اكتيۆيروۆاننىي ۋگول بەردىك دەيدى. بالاعا دياگنوز قويماي، اۋرۋىن انىقتاماي قالاي ءدارى بەرگەن؟ اناسىنا نەگە حابارلاماعان؟ مەكتەبىنە نەگە ايتپاعان؟
انا بالالار ومبۋدسمەنى ارۋجان سايندى قىزمەتىنەن باياعىدا بوساتۋ كەرەك ەدى. مىنا ءىستى قوعام بولىپ كوتەرەيىك. جۋرناليستەر، ارىپتەستەر، تاراتايىق. نۇرداۋلەتتىڭ اپكەسى ارىپتەسىمىز. قولداۋ بىلدىرەيىك.
جەتكىزەيىك جوعارىعا. ون ءتورت جاسار ءوسپىرىمنىڭ ءىسى جابىلماسىن! تاراتىڭىزدار. رەپوست. بۇل ءىستى قوعام بولىپ نازاردا ۇستايىق”، - دەپ جازدى ول.
