ýchınskidegi daryndy balalarǵa arnalǵan "Baldáýren" lagerinde 2008 jylǵy er bala jumbaq jaǵdaıda kóz jumdy. Bul týraly jýrnalıst, bloger Ońǵar Qabden Facebook paraqshasynda jazdy, dep habarlaıdy “Adyrna” ulttyq portaly.
“Áskerdegi sarbazdardyń ólimi bitip, endi lagerdegi balalar birin biri óltirýge kóshti me?
Densaýlyq saqtaý mınıstrligi!
Dárigerleriń nege bala ólimin jasyrýda? ýchınskidegi daryndy balalarǵa arnalǵan "Baldáýren" lagerinde 2008 jylǵy er bala jumbaq jaǵdaıda kóz jumdy. Aqtóbeniń Hromtaýynan 9 qańtar kúni kelgen 14 jasar Nurdáýlet Manap sol kúni túnde anasyna zvondaǵan. Men qorqyp jatyrmyn, basym, ishim aýyrady dep. Anasy qoı balam, qaıdaǵyny aıtpa. Vojatyıyńdy taýyp alyp, soǵan aıt degen. Balasymen sońǵy sóılesýi ekenin qaıdan bilsin? Tańerteń ulynyń qazasyn estıdi.
Ápkesi Farızanyń aıtýynsha, Nurdáýlet namysqoı bala. Ózi dombyra úıirmesine qatysatyn, eshkimdi boqtamaıtyn mádenıetti bala. Sol namysqoılyǵyna basyp, ózin urǵanyn da aıtpaǵan bolý kerek deıdi.
Túske deıin dárigeri basqasha, vojatyıy basqasha, úshinshi tarap basqasha aıtqanmen, tústen keıin bári birdeı saıraıdy. Dárigerlerdiń qoıǵan dıagnozy sumdyq. Qaterli isik depti. O zamanda bu zaman eki saǵatta qaterli isik anyqtalyp, adam ólip qalýshy ma edi? Kimdi aqymaq kórip otyr?
Ekspertızaǵa kirgen jezdesi arqasy men ishi kógergen. Soqqydan ishegi jarylyp, ishine qan ketýi múmkin deıdi. Dárigerler bolsa aýyrǵan kezde pankratın, aktıvırovannyı ýgol berdik deıdi. Balaǵa dıagnoz qoımaı, aýrýyn anyqtamaı qalaı dári bergen? Anasyna nege habarlamaǵan? Mektebine nege aıtpaǵan?
Ana balalar ombýdsmeni Arýjan Saındy qyzmetinen baıaǵyda bosatý kerek edi. Myna isti qoǵam bolyp kótereıik. Jýrnalıster, áriptester, tarataıyq. Nurdáýlettiń ápkesi áriptesimiz. Qoldaý bildireıik.
Jetkizeıik joǵaryǵa. On tórt jasar óspirimniń isi jabylmasyn! Taratyńyzdar. Repost. Bul isti qoǵam bolyp nazarda ustaıyq”, - dep jazdy ol.
