"قاڭتار وقيعاسىن جوعارى لاۋازىمدى ادامدار مەن قىلمىستىق توپتىڭ مۇشەلەرى ۇيىمداستىردى". بۇل تۋرالى بۇگىن ءماجىلىستىڭ جالپى وتىرىسىندا باس پروكۋرور بەرىك اسىلوۆ مالىمدەدى، دەپ جازادى "ادىرنا" ۇلتتىق پورتالى.
"قاڭتار وقيعاسى بۇكىل ەلدى ءدۇر سىلكىندىرىپ، بارىمىزگە ۇلكەن سىن بولدى. سىزدەرگە كەلىپ وتىرعان باستى سەبەبىمىز – بولعان وقيعاعا تۋرا ناقتى اقپارات جانە زاڭدى باعا بەرۋ. سىزدەر ارقىلى اقپاراتتى وتانداستارىمىزعا جەتكىزۋ. بۇگىندە قولىمىزدا تولىق مالىمەتتەر بار. تەرگەۋ ورگاندارى وقيعا حرونولوگياسىن، نەگىزگى ۇيىمداستىرۋشىلاردى انىقتادى. ولاردىڭ ۇستىندە جوعارى لاۋازىمدى ادامدار مەن ۇيىمداسقان قىلمىستىق توپ مۇشەلەرى دە بولدى. قازا تاپقانداردىڭ ءبارىنىڭ كىم ەكەنىن، ولاردىڭ قايتىس بولۋ سەبەپتەرىن زەرتتەدىك. قارۋ-جاراقتى ىزدەۋ جالعاستىرۋدا. قىلمىسكەرلەردى جاۋاپقا تارتۋدامىز", - دەدى بەرىك اسىلوۆ ءماجىلىستىڭ جالپى وتىرىسىندا.
"ادىرنا" ۇلتتىق پورتالى
