قاندى قاڭتاردا "اكىمدىككە باسىپ كىردى" دەگەن 11 ادامعا قاتىستى ۇكىم شىقتى

2022 جىلدىڭ 4-5 قاڭتارىندا سوتتالۋشىلار الماتىداعى جاپپاي تارتىپسىزدىككە قاتىسىپ، قورعالاتىن وبەكتىلەرگە — الماتى قالاسىنىڭ اكىمدىگىنە، پرەزيدەنت رەزيدەنتسياسىنا، پوليتسيا كەڭسەسىنە زاڭسىز كىرگەنى انىقتالعان. سوتتالۋشىلاردىڭ قىلمىستىق ارەكەتى مۇلىكتىڭ جويىلۋىنا ۇلاسىپ اۋىر زارداپتارعا اكەلدى.

تارتىپسىزدىك بارىسىندا ءۇش سوتتالۋشى اسكەري قىزمەتشىلەر مەن قۇقىق قورعاۋ ورگاندارىنىڭ قىزمەتكەرلەرىنە زورلىق-زومبىلىق كورسەتكەنى دە اتالدى.

سوتتالۋشى ەكى اسكەري كۋرسانتتى تۇتقىنعا الىپ، ولارعا جەڭىل دەنە جاراقاتىن سالعان.

دەگەنمەن، سوتتالۋشىلار كىناسىن جارتىلاي مويىندادى.

راقىمشىلىق تۋرالى زاڭدى قولدانا وتىرىپ، ارقايسىسى 1 جىل 9 ايعا باس بوستاندىعىنان ايىرىلدى.

ودان بولەك، ءبىر سوتتالۋشى قك 272-بابىنىڭ 2-بولىگى، 380-بابىنىڭ 3-بولىگى، 1), 4), 8) تارماقتارى، 269-1-بابىنىڭ 3-بولىگى، 261-بابىنىڭ 3-بولىگى بويىنشا كىنالى دەپ تانىلدى.

ول راقىمشىلىق تۋرالى زاڭ اياسىندا 4 جىلعا باس بوستاندىعىنان ايىرىلدى.