رەسەي بيلىگى وزىنە قاراستى بۇقارالىق اقپارات قۇرالدارىنا كەزەكتى موبيليزاتسيا تۋراسىندا جازۋعا تىيىم سالدى. بۇل تۋرالى The Moscow News جاريالادى، دەپ حابارلايدى “ادىرنا” ۇلتتىق پورتالى.
رەسەي پرەزيدەنتىنىڭ اكىمشىلىگى وزىنە تاۋەلدى ءباسپاسوز قۇرالدارىنان قورعانىس ءمينيسترى سەرگەي شويگۋدىڭ ارميا قاتارىنا تاعى 350 مىڭ ادام الۋ كەرەكتىگى جونىندەگى مالىمدەمەسىن كوپشىلىككە تاراتىپ جىبەرمەۋدى تالاپ ەتتى.
ەندى رەسەي مەديالارىنا موبيليزاتسيا حاقىنداعى كەز كەلگەن مالىمدەمەنى تاراتپاۋ تۋرالى قاتاڭ تاپسىرما بەرىلىپ وتىر. حابارلامالار ءتىپتى مەملەكەتتىك دۋما مەن فەدەراتسيا كەڭەسىنەن شىقسا دا قالىڭ ەلگە جەتكىزىلمەۋى كەرەك. مۇنداي جاسىرىن وكىم پرەزيدەنت اكىمشىلىگىنىڭ تىكەلەي وزىنەن ءتۇسىپ وتىر.
«ءبىز بۇعان دەيىن ءجۇرىپ جاتقان موبيليزاتسيا، ونىڭ ىقتيمال ستسەناريى مەن بولجامى تۋرالى جازا الاتىن ەدىك. قازىر سونىڭ بارىنە توقتام سالىندى. تالاپتا ءتىپتى رف مەملەكەتتىك دۋماسىنىڭ دەپۋتاتى نەمەسە سەناتور ايتقان سوزدەرگە دە سىلتەمە جاساي المايتىنىمىز ايتىلىپتى»، – دەپ اتاپ كورسەتتى The Moscow Times.
