Reseı bıligi ózine qarasty buqaralyq aqparat quraldaryna kezekti mobılızaııa týrasynda jazýǵa tyıym saldy. Bul týraly The Moscow News jarııalady, dep habarlaıdy “Adyrna” ulttyq portaly.
Reseı Prezıdentiniń ákimshiligi ózine táýeldi baspasóz quraldarynan Qorǵanys mınıstri Sergeı Shoıgýdyń armııa qataryna taǵy 350 myń adam alý kerektigi jónindegi málimdemesin kópshilikke taratyp jibermeýdi talap etti.
Endi Reseı medıalaryna mobılızaııa haqyndaǵy kez kelgen málimdemeni taratpaý týraly qatań tapsyrma berilip otyr. Habarlamalar tipti Memlekettik dýma men Federaııa keńesinen shyqsa da qalyń elge jetkizilmeýi kerek. Mundaı jasyryn ókim Prezıdent ákimshiliginiń tikeleı ózinen túsip otyr.
«Biz buǵan deıin júrip jatqan mobılızaııa, onyń yqtımal senarıi men boljamy týraly jaza alatyn edik. Qazir sonyń bárine toqtam salyndy. Talapta tipti RF Memlekettik dýmasynyń depýtaty nemese senator aıtqan sózderge de silteme jasaı almaıtynymyz aıtylypty», – dep atap kórsetti The Moscow Times.
