مەملەكەتتەر باسشىلارى قازاقستان-رەسەي سان قىرلى قارىم-قاتىناسىنىڭ قازىرگى جاي-كۇيى مەن دامۋ پەرسپەكتيۆاسىن دوستىق ءارى ءوزارا سەنىم سيپاتىندا تالقىلادى.
پرەزيدەنتتەر جوعارى دەڭگەيدە قول جەتكىزىلگەن ۋاعدالاستىقتاردىڭ دايەكتى تۇردە جۇزەگە اسىرىلىپ جاتقانىن اتاپ ءوتتى.
سونداي-اق مادەني-گۋمانيتارلىق بايلانىستاردى تەرەڭدەتۋ جۇمىستارىنا وڭ باعا بەرىپ، بىرلەسكەن عىلىمي-ءبىلىم بەرۋ باستامالارىن ىلگەرىلەتۋدىڭ ماڭىزىنا توقتالدى.
قاسىم-جومارت توقاەۆ ۆلاديمير ءپۋتيندى قازاقستانعا مەملەكەتتىك ساپارمەن كەلۋگە شاقىرعانىن تاعى دا راستادى.
اڭگىمەلەسۋ بارىسىندا تاراپتار حالىقارالىق جانە وڭىرلىك كۇن تارتىبىندەگى ماسەلەلەر جونىندە پىكىر الماستى.
ايتا كەتسەك، بۇعان دەيىن ماسكەۋ مەن استانا 2026 جىلى رەسەي پرەزيدەنتى ۆلاديمير ءپۋتيننىڭ قازاقستانعا ساپارىنىڭ مەرزىمىن تالقىلاپ جاتقانىن حابارلادىق. ونى رەسەيدىڭ قازاقستانداعى ەلشىسى الەكسەي بوروداۆكين مالىمدەگەن بولاتىن.
