ۋكراينا قارۋلى كۇشتەرىنىڭ باس شتابى بەيسەنبى كۇنى روستوۆ وبلىسىنداعى نوۆوشاحتينسك مۇناي وڭدەۋ زاۋىتىنا جاڭا سوققى جاسالعانىن راستادى، دەپ حابارلايدى "ادىرنا" ۇلتتىق پورتالى.
باس شتابتىڭ مالىمدەۋىنشە، سوققى اۋە بازاسىنداعى Storm Shadow قاناتتى زىمىراندارى ارقىلى جاسالعان.
"25 جەلتوقساندا ۋكراينا قارۋلى كۇشتەرىنىڭ اۋە كۇشتەرى رەسەي فەدەراتسياسىنىڭ روستوۆ وبلىسىنداعى نوۆوشاحتينسك مۇناي ونىمدەرى زاۋىتىنا اۋەدەن ۇشىرىلاتىن Storm Shadow قاناتتى زىمىراندارىمەن ءساتتى سوققى جاسادى. كوپتەگەن جارىلىستار تىركەلدى. نىسانا ءدال كوزدەلىپ، زاقىمداندى. كەلتىرىلگەن شىعىن كولەمى ناقتىلانىپ جاتىر", – دەلىنگەن ۋكراين گەنشتابىنىڭ حابارلاماسىندا.
نوۆوشاحتينسك مۇناي وڭدەۋ زاۋىتىنا جاسالعان شابۋىل تۋرالى، ۋكراينامەن شەكاراعا جاقىن ورنالاسقان بۇل نىسان جونىندە ەكى تاراپتىڭ دا Telegram-ارنالارىندا اقپارات تارادى.
