23 جەلتوقسان كۇنى She’s Next جاھاندىق باستاماسىنىڭ ەكىنشى تولقىنى اياسىندا كاسىپكەر ايەلدەردى قولداۋ ماقساتىندا «بيزنەس كوشباسشىلىعى» مارافونىنىڭ جەڭىمپازدارى سالتاناتتى تۇردە جاريالاندى.
مارافوندى Visa جاھاندىق تولەم تەحنولوگياسى كومپانياسى Halyk Bank جانە Onlinebank by Halyk برەندىمەن بىرلەسىپ جۇزەگە اسىردى. مارافوننىڭ تەحنيكالىق سەرىكتەسى - استانا Tech Hub حالىقارالىق قارجى ورتالىعى.
ءبىلىم بەرۋ باعدارلاماسىنا قازاقستان، وزبەكستان، قىرعىزستان، تاجىكستان جانە تۇركىمەنستاننان بارلىعى 6800-گە جۋىق كاسىپكەر تىركەلگەن. مارافون بارىسىندا قاتىسۋشىلار بيزنەستى ءتيىمدى باسقارۋ، تايم-مەنەدجمەنت جانە جۇمىس پەن ءومىردىڭ تەپە-تەڭدىگى بويىنشا جەتەكشى ساراپشىلاردان ءبىلىم بەرۋ دارىستەرىن وقىدى.
ترەنينگ سوڭىندا قاتىسۋشىلار تەست تاپسىرمالارىن ورىنداپ، كاسىپكەرلىك قىزمەتى تۋرالى ەسسەلەرىمەن ءبولىستى. مارافوننىڭ فينالىنا 15 كاسىپكەر شىقتى، ءۇش جەڭىمپاز اشىق داۋىس بەرۋ ارقىلى انىقتالدى.
مارافوننىڭ 30 پايىز داۋىسىن الىپ، كاسىبىن دامىتۋعا 5 ميلليون تەڭگە گرانت العان قادىرجان تولەۋ جەڭىمپاز اتاندى. قادىرجان 2 جىلدان بەرى دوڭگەلەكتى جەكە اسحاناسىن جانە قوعامدىق تاماقتاندىرۋ قىزمەتىن جۇرگىزىپ، بالقاش بالىعىن تانىمال ەتۋ، سونداي-اق تۋريستىك گاسترونوميالىق مادەنيەتتى قالىپتاستىرۋ ءۇشىن ازىق-تۇلىك تاسىمالداۋشىلار جەلىسىن دامىتۋعا ۇمتىلۋدا.
ەكىنشى ورىندى استانا قالاسىنىڭ ەكولوگيالىق جاعدايىن جاقسارتۋعا باعىتتالعان E-cycle ەكولوگيالىق جوباسىمەن ىبىراەۆا ەركەجان يەلەندى. ەركەجان مەن ونىڭ جوباسىنا 963 ادام نەمەسە جالپى سايلاۋشىلاردىڭ 11 پايىزى داۋىس بەردى.
821 داۋىستىڭ ناتيجەسىمەن ءۇشىنشى ورىندى بيزنەسى پوليگرافيامەن بايلانىستى «اققالام» الىمبەتوۆا اليدا يەلەندى. اليدا حالىق قاھارماندارىنىڭ بەينەلەرى بار باسپا ونىمدەرىن شىعارۋدى جانە الەمدى كورنەكى تۇردە قابىلداۋ ارقىلى بالالاردىڭ قازاق مادەنيەتىنە دەگەن سۇيىسپەنشىلىگىن وياتۋدى ارماندايدى.
“She's Next باستاماسى قازىردىڭ وزىندە الەم بويىنشا ون مىڭداعان قىزدارعا ءوز بيزنەسىن اشۋعا نەمەسە وسىرۋگە كومەكتەستى. بۇگىنگى تاڭدا ايەلدەردىڭ ايماق ەلدەرىنىڭ ەكونوميكاسىنا تارتىلىپ، جاڭا ءبىلىم الۋعا، كاسىپكەرلىكتى دامىتۋعا دەگەن قىزىعۋشىلىقتارى ارتىپ وتىرعانى ءبىزدى قۋانتادى. ورتالىق ازياداعى حالىق بانكىمەن بىرلەسە جۇزەگە اسىرىلىپ جاتقان باستاما 17 مەملەكەتتى قامتيدى. بۇل ايەلدەردىڭ باسىن بىرىكتىرىپ، ولارعا ءتيىمدى شارتتارمەن قوسىمشا نەسيە الىپ، ارنايى ۆيزيت كارتوچكالارىن اشۋعا مۇمكىندىك بەردى. مارافون قاتىسۋشىلاردى شابىتتاندىرىپ، جاڭا جەتىستىكتەرگە ىنتالاندىراتىنىنا سەنىمدىمىن»، - دەدى ۆيتسە-پرەزيدەنت، ورتالىق ازياداعى جانە ازىربايجانداعى Visa ايماقتىق مەنەدجەرى، ۆيتسە-پرەزيدەنت كريستينا دوروش.
جەڭىمپازداردى سالتاناتتى تۇردە ماراپاتتاۋمەن قاتار، شارا قوناقتارى «ايەلدەر كاسىپكەرلىگى: كاسىپكەردىڭ تابىسىندا تەڭگەرىم قانداي ءرول اتقارادى جانە وعان قالاي قول جەتكىزۋگە بولادى؟» تاقىرىبىنداعى اشىق اڭگىمەگە قاتىستى. تابىستى كاسىپكەرلەر ءومىردىڭ ءارتۇرلى سالالارىندا تەپە-تەڭدىكتى ساقتاۋ بويىنشا تاجىريبەلەرىمەن جانە ۇسىنىستارىمەن ءبولىستى. ويتكەنى 2021 جىلى قازاقستاندا جۇرگىزىلگەن Visa زەرتتەۋىنە سايكەس رەسپوندەنتتەردىڭ 42%-ى بيزنەس پەن ءۇي شارۋاسىن ۇيلەستىرۋدە قيىندىقتاردى باستان كەشىرەدى.
ەسكە سالايىق، «بيزنەس كوشباسشىلىق» مارافونىنا كوپتەگەن تانىمال ۇيىمدار، سونىڭ ىشىندە ايەلدەر كاسىپكەرلىگىن تۇراقتى دامىتۋ جانە قولداۋ قورى («اتامەكەن» قر ۇكپ جانىنداعى), قر ۇكپ جانىنداعى ايەلدەر كاسىپكەرلىگىن دامىتۋ ورتالىعى، «اتامەكەن»، قازاقستانداعى بۇۇ ايەلدەر ۇيىمى، «Qoldaý» كاسىپكەرلىك ورتالىعى، «TechnoWomen» كوممەرتسيالىق ەمەس ۇيىمى، «دامۋ» كاسىپكەرلىكتى دامىتۋ قورى قولداۋ كورسەتتى.
قاتىسۋشىلار نە الادى؟
حالىق بانكىنەن جەڭىلدەتىلگەن قارجىلاندىرۋ اياسىندا كاسىپكەرلەر ءبىر قارىز الۋشىعا 20 000 000 تەڭگەگە دەيىن 5%-بەن الۋ مۇمكىندىگىنە يە بولادى.
ايتا كەتەيىك، وتىنىمدەر تەك مارافوننان وتكەن جانە اياقتالعانى تۋرالى سەرتيفيكاتى بار قاتىسۋشىلاردان قابىلدانادى. مارافوننىڭ ءۇش جەڭىمپازى «حالىق» بيزنەستى دامىتۋعا بەرىلەتىن نەسيە كولەمىن تيىسىنشە ءبىرىنشى، ەكىنشى جانە ءۇشىنشى ورىندارعا 50 000 000, 40 000 000 جانە 30 000 000 تەڭگەگە دەيىن ۇلعايتۋعا مۇمكىندىك بەرەدى. سونىمەن قاتار سەرىكتەستىك اياسىندا ءبىلىم مارافونىنىڭ بارلىق قاتىسۋشىلارى حالىق بانكىندە تەگىن ەسەپشوت اشادى.
