23 jeltoqsan künı She’s Next jahandyq bastamasynyŋ ekınşı tolqyny aiasynda käsıpker äielderdı qoldau maqsatynda «Biznes köşbasşylyǧy» marafonynyŋ jeŋımpazdary saltanatty türde jariialandy.
Marafondy Visa jahandyq tölem tehnologiiasy kompaniiasy Halyk Bank jäne Onlinebank by Halyk brendımen bırlesıp jüzege asyrdy. Marafonnyŋ tehnikalyq serıktesı - Astana Tech Hub halyqaralyq qarjy ortalyǧy.
Bılım beru baǧdarlamasyna Qazaqstan, Özbekstan, Qyrǧyzstan, Täjıkstan jäne Türkımenstannan barlyǧy 6800-ge juyq käsıpker tırkelgen. Marafon barysynda qatysuşylar biznestı tiımdı basqaru, taim-menedjment jäne jūmys pen ömırdıŋ tepe-teŋdıgı boiynşa jetekşı sarapşylardan bılım beru därısterın oqydy.
Trening soŋynda qatysuşylar test tapsyrmalaryn oryndap, käsıpkerlık qyzmetı turaly esselerımen bölıstı. Marafonnyŋ finalyna 15 käsıpker şyqty, üş jeŋımpaz aşyq dauys beru arqyly anyqtaldy.
Marafonnyŋ 30 paiyz dauysyn alyp, käsıbın damytuǧa 5 million teŋge grant alǧan Qadyrjan Töleu jeŋımpaz atandy. Qadyrjan 2 jyldan berı döŋgelektı jeke ashanasyn jäne qoǧamdyq tamaqtandyru qyzmetın jürgızıp, Balqaş balyǧyn tanymal etu, sondai-aq turistık gastronomiialyq mädeniettı qalyptastyru üşın azyq-tülık tasymaldauşylar jelısın damytuǧa ūmtyluda.
Ekınşı oryndy Astana qalasynyŋ ekologiialyq jaǧdaiyn jaqsartuǧa baǧyttalǧan E-cycle ekologiialyq jobasymen Ybyraeva Erkejan ielendı. Erkejan men onyŋ jobasyna 963 adam nemese jalpy sailauşylardyŋ 11 paiyzy dauys berdı.
821 dauystyŋ nätijesımen üşınşı oryndy biznesı poligrafiiamen bailanysty «Aqqalam» Älımbetova Alida ielendı. Alida halyq qaharmandarynyŋ beinelerı bar baspa önımderın şyǧarudy jäne älemdı körnekı türde qabyldau arqyly balalardyŋ qazaq mädenietıne degen süiıspenşılıgın oiatudy armandaidy.
“She's Next bastamasy qazırdıŋ özınde älem boiynşa on myŋdaǧan qyzdarǧa öz biznesın aşuǧa nemese ösıruge kömektestı. Bügıngı taŋda äielderdıŋ aimaq elderınıŋ ekonomikasyna tartylyp, jaŋa bılım aluǧa, käsıpkerlıktı damytuǧa degen qyzyǧuşylyqtary artyp otyrǧany bızdı quantady. Ortalyq Aziiadaǧy Halyq bankımen bırlese jüzege asyrylyp jatqan bastama 17 memlekettı qamtidy. Būl äielderdıŋ basyn bırıktırıp, olarǧa tiımdı şarttarmen qosymşa nesie alyp, arnaiy vizit kartochkalaryn aşuǧa mümkındık berdı. Marafon qatysuşylardy şabyttandyryp, jaŋa jetıstıkterge yntalandyratynyna senımdımın», - dedı Vise-prezident, Ortalyq Aziiadaǧy jäne Äzırbaijandaǧy Visa aimaqtyq menedjerı, vise-prezident Kristina Doroş.
Jeŋımpazdardy saltanatty türde marapattaumen qatar, şara qonaqtary «Äielder käsıpkerlıgı: käsıpkerdıŋ tabysynda teŋgerım qandai röl atqarady jäne oǧan qalai qol jetkızuge bolady?» taqyrybyndaǧy aşyq äŋgımege qatysty. Tabysty käsıpkerler ömırdıŋ ärtürlı salalarynda tepe-teŋdıktı saqtau boiynşa täjıribelerımen jäne ūsynystarymen bölıstı. Öitkenı 2021 jyly Qazaqstanda jürgızılgen Visa zertteuıne säikes respondentterdıŋ 42%-y biznes pen üi şaruasyn üilestırude qiyndyqtardy bastan keşıredı.
Eske salaiyq, «Biznes köşbasşylyq» marafonyna köptegen tanymal ūiymdar, sonyŋ ışınde Äielder käsıpkerlıgın tūraqty damytu jäne qoldau qory («Atameken» QR ŪKP janyndaǧy), QR ŪKP janyndaǧy Äielder käsıpkerlıgın damytu ortalyǧy, «Atameken», Qazaqstandaǧy BŪŪ Äielder ūiymy, «Qoldaý» käsıpkerlık ortalyǧy, «TechnoWomen» kommersiialyq emes ūiymy, «Damu» käsıpkerlıktı damytu qory qoldau körsettı.
Qatysuşylar ne alady?
Halyq bankınen jeŋıldetılgen qarjylandyru aiasynda käsıpkerler bır qaryz aluşyǧa 20 000 000 teŋgege deiın 5%-ben alu mümkındıgıne ie bolady.
Aita keteiık, ötınımder tek marafonnan ötken jäne aiaqtalǧany turaly sertifikaty bar qatysuşylardan qabyldanady. Marafonnyŋ üş jeŋımpazy «Halyq» biznestı damytuǧa berıletın nesie kölemın tiısınşe bırınşı, ekınşı jäne üşınşı oryndarǧa 50 000 000, 40 000 000 jäne 30 000 000 teŋgege deiın ūlǧaituǧa mümkındık beredı. Sonymen qatar serıktestık aiasynda bılım marafonynyŋ barlyq qatysuşylary Halyq bankınde tegın esepşot aşady.
