23 jeltoqsan kúni She’s Next jahandyq bastamasynyń ekinshi tolqyny aıasynda kásipker áıelderdi qoldaý maqsatynda «Bıznes kóshbasshylyǵy» marafonynyń jeńimpazdary saltanatty túrde jarııalandy.
Marafondy Visa jahandyq tólem tehnologııasy kompanııasy Halyk Bank jáne Onlinebank by Halyk brendimen birlesip júzege asyrdy. Marafonnyń tehnıkalyq seriktesi - Astana Tech Hub halyqaralyq qarjy ortalyǵy.
Bilim berý baǵdarlamasyna Qazaqstan, Ózbekstan, Qyrǵyzstan, Tájikstan jáne Túrkimenstannan barlyǵy 6800-ge jýyq kásipker tirkelgen. Marafon barysynda qatysýshylar bıznesti tıimdi basqarý, taım-menedjment jáne jumys pen ómirdiń tepe-teńdigi boıynsha jetekshi sarapshylardan bilim berý dáristerin oqydy.
Trenıng sońynda qatysýshylar test tapsyrmalaryn oryndap, kásipkerlik qyzmeti týraly esselerimen bólisti. Marafonnyń fınalyna 15 kásipker shyqty, úsh jeńimpaz ashyq daýys berý arqyly anyqtaldy.
Marafonnyń 30 paıyz daýysyn alyp, kásibin damytýǵa 5 mıllıon teńge grant alǵan Qadyrjan Tóleý jeńimpaz atandy. Qadyrjan 2 jyldan beri dóńgelekti jeke ashanasyn jáne qoǵamdyq tamaqtandyrý qyzmetin júrgizip, Balqash balyǵyn tanymal etý, sondaı-aq týrıstik gastronomııalyq mádenıetti qalyptastyrý úshin azyq-túlik tasymaldaýshylar jelisin damytýǵa umtylýda.
Ekinshi oryndy Astana qalasynyń ekologııalyq jaǵdaıyn jaqsartýǵa baǵyttalǵan E-cycle ekologııalyq jobasymen Ybyraeva Erkejan ıelendi. Erkejan men onyń jobasyna 963 adam nemese jalpy saılaýshylardyń 11 paıyzy daýys berdi.
821 daýystyń nátıjesimen úshinshi oryndy bıznesi polıgrafııamen baılanysty «Aqqalam» Álimbetova Alıda ıelendi. Alıda halyq qaharmandarynyń beıneleri bar baspa ónimderin shyǵarýdy jáne álemdi kórneki túrde qabyldaý arqyly balalardyń qazaq mádenıetine degen súıispenshiligin oıatýdy armandaıdy.
“She's Next bastamasy qazirdiń ózinde álem boıynsha on myńdaǵan qyzdarǵa óz bıznesin ashýǵa nemese ósirýge kómektesti. Búgingi tańda áıelderdiń aımaq elderiniń ekonomıkasyna tartylyp, jańa bilim alýǵa, kásipkerlikti damytýǵa degen qyzyǵýshylyqtary artyp otyrǵany bizdi qýantady. Ortalyq Azııadaǵy Halyq bankimen birlese júzege asyrylyp jatqan bastama 17 memleketti qamtıdy. Bul áıelderdiń basyn biriktirip, olarǵa tıimdi sharttarmen qosymsha nesıe alyp, arnaıy vızıt kartochkalaryn ashýǵa múmkindik berdi. Marafon qatysýshylardy shabyttandyryp, jańa jetistikterge yntalandyratynyna senimdimin», - dedi Vıe-prezıdent, Ortalyq Azııadaǵy jáne Ázirbaıjandaǵy Visa aımaqtyq menedjeri, vıe-prezıdent Krıstına Dorosh.
Jeńimpazdardy saltanatty túrde marapattaýmen qatar, shara qonaqtary «Áıelder kásipkerligi: kásipkerdiń tabysynda teńgerim qandaı ról atqarady jáne oǵan qalaı qol jetkizýge bolady?» taqyrybyndaǵy ashyq áńgimege qatysty. Tabysty kásipkerler ómirdiń ártúrli salalarynda tepe-teńdikti saqtaý boıynsha tájirıbelerimen jáne usynystarymen bólisti. Óıtkeni 2021 jyly Qazaqstanda júrgizilgen Visa zertteýine sáıkes respondentterdiń 42%-y bıznes pen úı sharýasyn úılestirýde qıyndyqtardy bastan keshiredi.
Eske salaıyq, «Bıznes kóshbasshylyq» marafonyna kóptegen tanymal uıymdar, sonyń ishinde Áıelder kásipkerligin turaqty damytý jáne qoldaý qory («Atameken» QR UKP janyndaǵy), QR UKP janyndaǵy Áıelder kásipkerligin damytý ortalyǵy, «Atameken», Qazaqstandaǵy BUU Áıelder uıymy, «Qoldaý» kásipkerlik ortalyǵy, «TechnoWomen» kommerııalyq emes uıymy, «Damý» kásipkerlikti damytý qory qoldaý kórsetti.
Qatysýshylar ne alady?
Halyq bankinen jeńildetilgen qarjylandyrý aıasynda kásipkerler bir qaryz alýshyǵa 20 000 000 teńgege deıin 5%-ben alý múmkindigine ıe bolady.
Aıta keteıik, ótinimder tek marafonnan ótken jáne aıaqtalǵany týraly sertıfıkaty bar qatysýshylardan qabyldanady. Marafonnyń úsh jeńimpazy «Halyq» bıznesti damytýǵa beriletin nesıe kólemin tıisinshe birinshi, ekinshi jáne úshinshi oryndarǵa 50 000 000, 40 000 000 jáne 30 000 000 teńgege deıin ulǵaıtýǵa múmkindik beredi. Sonymen qatar seriktestik aıasynda bilim marafonynyń barlyq qatysýshylary Halyq bankinde tegin esepshot ashady.
